ជីវិតកម្សាន្ដ

តារាថៃ Tono ប្រកាសកាន់ទុក្ខមរណភាពកីឡាករ បាល់ទាត់ជើងចាស់ Pele

បានផុស

៤ years មុន

នៅ

ថ្ងៃសៅរ៍ ៣១ ធ្នូ ២០២២

ដោយ

មរណភាពរបស់វីរបុរសបាល់ទាត់ប្រេស៊ីល Pele ក្នុងអាយុ ៨២ ឆ្នាំ បន្ទាប់ពីប្រយុទ្ធនឹងជំងឺមហារីកពោះវៀនធំអស់រយៈពេលជាច្រើនឆ្នាំ បានធ្វើឲ្យពិភពលោករំជួលចិត្តនិងប្រកាសកាន់ទុក្ខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកកាលពីពេលថ្មីៗនេះ តារាចម្រៀង និងតារាសម្ដែងថៃដ៏ល្បីល្បាញ Tono Phakin ដែលចូលចិត្តចាប់អារម្មណ៍លើពិភពបាល់ទាត់ រហូតដល់ក្លាយជាកីឡាករបាល់ទាត់អាជីពជាមួយក្រុម Ayutthaya United ជាក្រុមដ៏ល្បីល្បាញក្នុងការប្រកួត M-150 Championship (Thai League 2) បានប្រកាសកាន់ទុក្ខ និងចូលរួមរំលែកទុក្ខនេះជាមួយគ្រួសារនៃសពលើបណ្ដាញសង្គម។

តារាសម្ដែង Tono Phakin បានបង្ហោះរូបភាពរបស់កីឡាករបាល់ទាត់ពិភពលោក ២រូប ជាមួយនឹងសាររំលែកទុក្ខនៅលើ Instagram ផ្ទាល់ខ្លួនថា “Good Bye Legends ការបំផុសគំនិតនៃការនាំមកនូវសុភមង្គលដល់មនុស្ស។ តាមរយៈកាតព្វកិច្ចដែលអ្នកស្រឡាញ់ សម្រាកដោយសន្តិភាព Pele និង Maradona”។

សូមជម្រាបដែរថា ស្តេចបាល់ទាត់ប្រេស៊ីល Edson Arantes do Nascimento ដែលត្រូវបានគេស្គាល់ថា Pele បានទទួលមរណភាពកាលពីថ្ងៃទី ២៩ ខែធ្នូ។ ដំណឹងនៃការស្លាប់របស់កីឡាករជើងចាស់នេះ បានធ្វើឲ្យអ្នកស្រលាញ់បាល់ទាត់ប្រកាស់កាន់ទុក្ខ និងមានការសោកស្ដាយជាខ្លាំងនូវការបាត់បង់រូបលោក៕