តាមពិត Lee Jong Suk ឱ្យតម្រុយតាំងពីដើមឆ្នាំ នារីក្នុងសុបិនរបស់ខ្លួនគឺ IU

បន្ទាប់ពី IU និង Lee Jong Suk ត្រូវគេរាយការណ៍ថា បាននិងកំពុងទាក់ទងគ្នាអស់រយៈពេល ៤ខែមកហើយនោះ អ្នកគាំទ្រនាំគ្នាជីកកកាយវីដេអូចាស់ៗ ដែល Lee Jong Suk ធ្លាប់ផ្ដល់បទសម្ភាសន៍ពីមុនមក ហើយពួកគេរកឃើញវីដេអូមួយដែលតារាប្រុសរូបនេះនិយាយអំពីនារីក្នុងសុបិនរបស់ខ្លួន​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងបទសម្ភាសន៍ជាមួយទស្សនាវដ្តី ELLE កាលពីដើមឆ្នាំ២០២២ តារាសម្ដែង Lee Jong Suk បានរៀបរាប់អំពីប្រភេទនារីដែលលោកប៉ងជាគូអនាគត ដែលម្នាក់នោះមានលក្ខណៈប្រហាក់ប្រហែលនឹង IU ។ Lee Jong Suk ប្រាប់ថា ប្រភេទនារីក្នុងក្ដីសុបិនដែលលោកចង់បានជាឧត្តមភរិយា គឺជានារីដែលមានភាពវៃឆ្លាត តស៊ូ និងពូកែអត់ធ្មត់។

ក្រោយពីស្ដាប់ការពណ៌នាបុគ្គលិកលក្ខណៈនេះរួចមក អ្នកអ្នកគាំទ្រនាំគ្នាសំដៅដល់ IU ព្រាតតែម្ដង ព្រោះថា ​តារា​ស្រីរូបនេះ ជានារី​វៃឆ្លាត និងរឹង​មាំ​ខ្លាំងបំផុត ដោយ​សារ​ពីអតីតកាល នាងធ្លាប់ហែលឆ្លងជីវិតក្រតោកយ៉ាក សឹងគ្មានកន្លែងគេង។ នាងតស៊ូ​តាំងពីក្មេងមានបាយហូបមិនគ្រប់ រហូតក្លាយជាតារាទោលដ៏មានប្រជាប្រិយបំផុតនៅក្នុងប្រទេសកូរ៉េខាងត្បូង។ ជាពិសេស មុនល្បីល្បាញ IU ធ្លាប់ត្រូវគេបដិសេធរាប់សិបដងឯណោះ។

បន្ទាប់ពីប្រៀបធៀបសម្ដី Lee Jong Suk និងចរិតលក្ខណៈ IU ម្នាក់ៗហាក់ហួសចិត្តនឹងខ្លួនឯងជាខ្លាំង ដែលស្មានមិនត្រូវថានារីក្នុងសុបិនរបស់ Lee Jong Suk តាមពិតជា IU សោះ ខណៈតារាប្រុសវ័យ ៣៣ឆ្នាំរូបនេះឱ្យតម្រុយតាំងពីយូរមកហើយ៕

ប្រែសម្រួល៖ សន្យា

ចុចអាន៖ មន្ត្រីយោធាបញ្ចេញរូបភាពប៉ុន្មានសន្លឹករបស់ Jin នៅឯបន្ទាយទាហាន

ចុចអាន៖ បរាជ័យជីវិតគូ ៣ដង ពេលនេះ Kim Kardashian ប្រកាសចង់រៀបការម្ដងទៀត