មិនខ្វល់រកគូស្នេហ៍ថ្មី Bella ខំរកប្រាក់ ទិញផ្ទះយ៉ាងស្កឹមស្កៃជូនអ្នកម្ដាយ

តាំងពីបែកបាក់ស្នេហ៍ កាលពីដើមឆ្នាំមុន តួឯកស្រីរឿង “បុព្វេសន្និវាស” Bella Ranee កាន់តែត្រូវប៉ាន់លើការផ្សាយពាណិជ្ជកម្ម និងលេចមុខក្នុងភាពយន្តល្បីៗជាច្រើនរឿង ដែលវាបានធ្វើឱ្យប្រជាប្រិយភាពរបស់នាង កាន់តែកើនឡើងជាលំដាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើទោះបី Bella នៅខ្លួនមួយជិត១ឆ្នាំហើយក្ដី តារាស្រីវ័យ ៣៣ឆ្នាំរូបនេះ ហាក់មិនខ្វល់ខ្វាយរកគូគាប់មកស្អំបេះដូងឡើយ ប៉ុន្តែនាងបានបន្តខិតខំលើអាជីពទ្វេដង ដោយប្រឹងរកប្រាក់ចំណូលបានកាន់តែខ្ពស់ ខណៈថ្មីៗនេះ នាងទើបតែទិញផ្ទះថ្មីជូនអ្នកម្ដាយជាទីស្រឡាញ់ ក្នុងថ្ងៃខួបកំណើតរបស់គាត់។

មុនថ្ងៃកំណើតអ្នកមានគុណមកដល់ Bella បានលួចទិញផ្ទះស្កឹមស្កៃមួយខ្នងជូនអ្នកម្ដាយ និងបាន Surprise គាត់នៅថ្ងៃខួបកំណើត កាលពីប៉ុន្មានខែមុន ហើយពេលនេះ ផ្ទះថ្មីបានរួចរាល់ជាស្ថាពរ និងបានធ្វើពិធីឡើងគេហដ្ឋាន កាលពីថ្ងៃទី៩ ខែមករា ឆ្នាំ២០២៣។

ពេល​នេះទាំង Bella និង​ម្តាយ​​បាន​ផ្លាស់​ទៅ​ផ្ទះ​ថ្មី​ហើយ ដោយមានការចូលរួមពីសាច់ញាតិ និងមនុស្សជិតស្និទ្ធប៉ុន្មាននាក់ ក្នុងពិធី​​ឡើង​គេហដ្ឋាន​ ​ព្រមទាំងមានការចូលរួមអបអរសាទរពីមិត្តក្នុងរង្វង់សិល្បៈ ក៏ដូចជាអ្នកគាំទ្រជាច្រើនផងដែរ ក្រោយពេល Bella បង្ហោះរូបនៅលើបណ្ដាញ Instagram ៕

ប្រែសម្រួល៖ សន្យា

ចុចអាន៖ មិត្តជិតស្និទ្ធទម្លាយចរិតពិត Aum ក្រោយនាងរងការស្ដីបន្ទោសយ៉ាងចាស់ដៃពីមហាជន