Connect with us

ជីវិតកម្សាន្ដ

បែកគ្នាជាង ២០ថ្ងៃ Aum ទើបទម្លាយការពិតពីក្រោយរឿងដាច់ចំណងស្នេហ៍ជាមួយសង្សារហាយសូរ

បានផុស

នៅ

រយៈពេលជាង ២០ថ្ងៃ ក្រោយពេលប្រកាសបញ្ចប់ចំណងស្នេហ៍រយៈពេល ៥ឆ្នាំជាមួយសង្សារហាយសូរ កំពូលតារាស្រី Aum Patchrapa បានចេញមុខទម្លាយការពិតទាំងអស់ពីមូលហេតុដែលនាំឱ្យនាង និងអតីតគូស្នេហ៍ចែកផ្លូវគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅចំពោះមុខអ្នកសារព័ត៌មានក្នុងពិធីសម្ពោធផ្សារទំនើបមួយកន្លែង នាថ្ងៃទី២០ ខែមករា ឆ្នាំ២០២៣ តារាសម្ដែង Aum បានលាតត្រដាងថា នាង និងអតីតមិត្តប្រុសបែកគ្នា មិនមែនដោយសារអ្នកទី៣នោះទេ ដែលមូលហេតុពិតគឺមកពីអ្នកទាំងពីរសុទ្ធសាធ។

តារាស្រីវ័យ ៤៣ឆ្នាំរូបនេះផ្ដល់សម្ភាសន៍ថា នាងមិនមែនជាមនុស្សពូកែប្រចណ្ឌ ឬចូលចិត្តរករឿងឈ្លោះឡើយ ចំណែក Pok ឯណោះវិញក៏ជាមនុស្សបើកចិត្តទូលាយដែរ ប៉ុន្តែអ្នកទាំងពីរមិនអាចបន្តជាមួយគ្នាទៀតបាន ព្រោះតែអត្តចរិតផ្ទាល់ខ្លួន ដែលនាំអ្នកទាំងពីររស់នៅមិនចុះសម្រុងនឹងគ្នា។

តាមពិតរឿងរ៉ាវមិនចុះសម្រុងនេះ កើតឡើងតាំងពី ៣ឆ្នាំមុនមកម្ល៉េះ ប៉ុន្តែកាលណោះពួកគេព្យាយាមសម្របតាមគ្នា តាមដែលអាចធ្វើបាន។ ប៉ុន្តែទោះជាព្យាយាមយ៉ាងណា Aum និងអតីតសង្សារមានទម្លាប់រស់នៅខុសគ្នាជាច្រើនចំណុច ទើបមកដល់ចុងឆ្នាំ២០២២កន្លងទៅថ្មីនេះៗ ​នាង និង Pok សម្រេចចែកផ្លូវគ្នាតែម្ដង។

យ៉ាងណាមិញ ពេលនេះ Aum និងហាយសូរ Pok ព្យាយាមរក្សាទំនាក់ទំនងល្អ ដោយធ្វើជាមិត្តនឹងគ្នា ប៉ុន្តែតើវាអាចទៅរួចកម្រិតណា នាងមិនអាចហ៊ានធានាទេ ព្រោះនាងមិនទាន់ធ្វើចិត្តបាននៅឡើយ៕

ប្រែសម្រួល៖ សន្យា

ចុចអាន៖ មិនខ្ចីបកស្រាយមូលហេតុដាច់ចំណងស្នេហ៍ ៥ឆ្នាំ Aum បង្ហោះរូបលេង ធ្វើមិនដឹង

ចុចអាន៖ ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម