ជីវិតកម្សាន្ដ
តារាចម្រៀងល្បី៧រូបនឹងសម្តែងក្នុងពិធីរាប់ថយក្រោយ១០០ថ្ងៃទៅស៊ីហ្គេម
តារាចម្រៀងប្រុសស្រីល្បីៗ៧រូបនេះឡើងច្រៀងក្នុងពិធី«រាប់ថយក្រោយ១០០ថ្ងៃ»ដែលជាយុទ្ធនាការជាតិឆ្ពោះទៅកីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ ដែលជាប្រវត្តិសាស្ត្រដំបូងលើទឹកដីនៃព្រះរាជាណាចក្រកម្ពុជា។
ពិធីរាប់ថយក្រោយ១០០ថ្ងៃ ដែលជាយុទ្ធនាការប្រាប់ដល់មហាជនទូទាំងប្រទេសកម្ពុជាឲ្យដឹងថា ស៊ីហ្គេម ជិតចូលមកដល់ហើយ ប្រារព្ធចាប់ពីម៉ោង៤រសៀល ថ្ងៃទី២៥ ខែមករា នៅពហុកីឡដ្ឋានជាតិមរតកតេជោ ដែលជាទីកន្លែងបើក និងបិទមហាព្រឹត្តិការណ៍កីឡាស៊ីហ្គេម-អាស៊ានប៉ារ៉ាហ្គេមដែលមានការអញ្ជើញជាអធិបតីដោយសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣។
ក្នុងពិធីដាស់ស្មារតីដល់ប្រជាជនទូទាំងប្រទេសនេះ ក៏មានកម្មវិធីជាច្រើនដូចជាការច្រៀងបទចម្រៀង ការសម្តែងសិល្បៈក្បាច់គុន ក្បាច់រាំ និងអុជកាំជ្រួចជាដើមដើម្បីអបអរសាទរដល់ពិធីរាប់ថយក្រោយ១០០ថ្ងៃ។
សម្រាប់ការច្រៀងបទចម្រៀងមានវត្តមានតារាចម្រៀងល្បីៗជាច្រើនរូបដើម្បីច្រៀងជូនទស្សនា។ ក្នុងនោះ លោក សុគន្ធ ថេរ៉ាយុ ច្រៀងបទ«ឈ្នះ ឈ្នះ», កញ្ញា វី ឌីណែត ច្រៀងបទ«Cambodia Our Home», លោក ហង្ស សុវណ្ណារិទ្ធ ច្រៀងបទ «អ្នកស្នងគុនខ្មែរ» និងលោក នី រតនា ចាប់ដៃកញ្ញា ឈិន ម៉ានិច្ច ច្រៀងបទ «នឹក២៤ម៉ោង»។
កញ្ញា ឈិន ម៉ានិច្ច ច្រៀងបទ«រស់ជាខ្លួនឯង», លោក នី រតនា ច្រៀងបទ«តើបងមានថ្ងៃនោះទេ», កញ្ញា សុខ សីឡាលីន ច្រៀងបទ«ស្មារតីកីឡាយើងរួមគ្នា» និងបទចុងក្រោយ«ស្មារតីសាមគ្គីភាព»ច្រៀងដោយលោក ហ្សូណូ។
សូមបញ្ជាក់ថា គិតត្រឹមថ្ងៃទី២៥ ខែមករា នេះនៅសល់តែ១០០ថ្ងៃទៀតប៉ុណ្ណោះនឹងឈានចូលមកដល់សម្រាប់កីឡាស៊ីហ្គេម លើកទី៣២ ដែលបើកជាផ្លូវការពីថ្ងៃទី៥ ខែឧសភា និងបិទបញ្ចប់ ថ្ងៃទី១៧ ខែឧសភា និងកីឡាអាស៊ានប៉ារ៉ាហ្គេម លើកទី១២ បើកនៅថ្ងៃទី៣ ខែមិថុនា និងបិទបញ្ចប់នៅថ្ងៃទី៩ ខែមិថុនា៕
អត្ថបទ៖ វីរបុត្រ
-
ព័ត៌មានអន្ដរជាតិ២៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ