ជីវិតកម្សាន្ដ

រៀមច្បង Anne បង្ហាញមុខតារាប្រុស ដែលដើរក្នុង កម្មវិធីធំៗជាមួយនាងមករហូត

បានផុស

១ year មុន

នៅ

ថ្ងៃសុក្រ ២៧ មករា ២០២៣

ដោយ

កាលពីថ្ងៃទី២៦ ខែមករា តារាសម្ដែងជើងចាស់ Anne Thongprasom បានទម្លាយថា តារាប្រុសដែលនៅជាមួយ នាងពេញមួយឆ្នាំ និងតែងចេញមុខគ្រប់កម្មវិធីឲ្យយីហោល្បីៗជាមួយគ្នា គឺជា Nine Naphat ព្រមទាំងជាសង្សារសំណព្វចិត្តរបស់ Baifern Pimchanok ផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រៀមច្បង Anne Thongprasom បានសរសេរខេបសិនយ៉ាងវែងអន្លាយ តាមរយៈបណ្ដាញសង្គមផ្ទាល់ខ្លួនថា “ពេញមួយឆ្នាំកន្លងមក រហូតដល់ឆ្នាំនេះ បុរសដែលខ្ញុំនៅជាមួយជាងគេគឺមនុស្សម្នាក់នេះ Nine Naphat Siangsomboon សូម្បីនៅក្រៅឆាក ក៏ជួបស្ទើរតែរាល់ថ្ងៃ”។

យ៉ាងណាមិញ បន្ទាប់ពីរូបភាពនេះត្រូវបានផ្សព្វផ្សាយជាសាធារណៈ អ្នកគាំទ្រជាច្រើនបានចូល Comment និងសរសើរពីសម្រស់របស់ Anne ព្រមជាមួយការសរសើរខុសៗគ្នាថា អ្នកនៅជាមួយ Anee មិនមែនមិត្តប្រុស តែជា Nine ទៅវិញ ពិតជាមិនគួរឲ្យជឿនោះទេ។ យ៉ាងណា បើតាមការគិត តើ Baifern ប្រច័ណ្ឌអត់ ឬយ៉ាងណា?

សូមជម្រាបដែរថារវាង Anne Thongprasom និងតារាសម្ដែងប្រុស Nine Naphat គឺពិតជាមានទំនាក់ទំនងស្អិតល្មួតមកជាយូរមកហើយ! ក៏មិនមែនជាលើកទី១ ដែលឃើញគូនេះស្និតគ្នាដែរ។ ប៉ុន្តែទំនាក់ទំនងនេះ គឺមានត្រឹមបងស្រីនិងប្អូនប្រុសប៉ុណ្ណោះ មិនមែនជាគូស្នេហ៍នោះទេ៕

ប្រែសម្រួល៖ សាង ស្រីល័ក្ខ

ចុចអាន៖មហាជនសម្រុកសរសើរ Kwan ថា ជាថៅកែចិត្តល្អ សុខចិត្តដឹកអាហារឲ្យបុគ្គលិក

ចុចអាន៖គូស្នេហ៍ហៃសូ Pok-Margie បង្ហោះរូបភាព លុបចចាមអារ៉ាមស្វាមីមានស្រី