ជីវិតកម្សាន្ដ

Jisoo ប៉ះជាមួយ Kimberly ម្ដងទៀតនៅប្រទេសថៃ

បានផុស

៣ years មុន

នៅ

ថ្ងៃអង្គារ ៧ កុម្ភៈ ២០២៣

ដោយ

Jisoo បានបង្ហាញខ្លួនក្នុងប្រទេសថៃ ដើម្បីចូលរួមកម្មវិធី Cartier Beautés du Monde ក្នុងនាមជាទូតសុឆន្ទៈខណៈតារាថៃ Kimberly ក៏បង្ហាញវត្តមានយ៉ាងស្និទ្ធស្នាលជាមួយសមាជិកក្រុម BLACKPINK រូបនេះដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីយប់ថ្ងៃទី ០៦ ខែកុម្ភៈ ឆ្នាំ ២០២៣សមាជិកម្នាក់នៃក្រុមចម្រៀងនារីលំដាប់ពិភពលោក Jisoo បានធ្វើឲ្យBlinks Thai ភ្ញាក់ផ្អើលដោយការបង្ហាញខ្លួននៅក្នុងព្រឹត្តិការណ៍ Cartier Beautés du Monde។ ក្នុងព្រឹត្តិការណ៍នេះ Jisoo ក៏បានអោបស្មាជាមួយតារាស្រីថៃល្បី Kimberly Ann Voltemas យ៉ាងស្និតខ្លាំងផងដែរ។

បន្ទាប់មកក្រោយចប់កម្មវិធី Kimberly បានបង្ហោះរូបថតមួយសន្លឹកលើបណ្ដាញសង្គម Instagram ផ្ទាល់ខ្លួន ដែលថតជាមួយ Jisoo រួមជាមួយនឹងខេបសិនថា Welcome to Thailand ដោយថេកឲ្យគណនីរបស់ Jisoo ថែមទៀតផង។ ទោះយ៉ាងណា នេះមិនមែនលើកទីមួយដែលអ្នកទាំងពីរតែងបង្ហាញមុខលើឆាកអន្តរជាតិក្នុងរូបភាពស្និទ្ធស្នាលគ្នាខ្លាំងបែបនេះ។ ដោយកាលពីលើកមុន នៅឯពិធីជប់លៀងអាហារពេលល្ងាចនៃកម្មវិធីសម្ពោធគ្រឿងអលង្ការ Beautés du Monde ដែលជាបណ្ដុំដ៏ប្រណីតពី Cartier ក្នុងទីក្រុង Madrid ប្រទេសអេស្ប៉ាញ តារាកូរ៉េខាងត្បូងនិងតារាថៃគូនេះធ្លាប់ជួបគ្នាម្ដងហើយ៕