ស្ងាត់ៗ Mai Davika ឡើងវិឡាថ្មី តម្លៃខ្ទង់លានឯណោះ

កាលពីពេលថ្មីៗនេះ តារាសម្ដែងនិងម៉ូដែល Mai Davika បានបង្ហោះរូបប៉ុន្មានសន្លឹកពីវិឡាថ្មី ដែលនាងបាននិមន្ត ព្រះសង្ឃសូត្រមន្តលើករាសី ស្របពេលដែលទ្រនំមួយនេះ ពុំសូវ​បង្ហាញ​ឲ្យមហាជន​ដឹងឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណា​កន្លង​មក​មាន​ព័ត៌មាន​ថា តារា​ស្រី​រូប​នេះ កំពុង​សាង​សង់វិឡា​មួយ​មកជា​យូរ​មក​ហើយ ប៉ុន្តែនាងមិនដែលប្រាប់ពី​តម្លៃ​ឬ​ស្ថានភាព​ផ្ទះ​នោះជិត​រួចរាល់​យ៉ាងណាទេ។ ស្រាប់​តែ​នៅ​ថ្ងៃ​ម្សិលមិញ​នេះ Mai Davika បាន​បង្ហាញ​រូបភាព​ខ្លួនឯង​អង្គុយ​បត់​ជើងជាមួយក្រុមគ្រួសារនិងក្រុមមិត្ត​ជិតស្និទ្ធ ស្ដាប់​ព្រះសង្ឃ​សូត្រមន្ត​ផ្ទះ​ថ្មី​ទៅវិញ។

យ៉ាងណាមិញ​វិឡា​ទំនើប​មួយ​នេះ​មាន​ទំហំ​ជាង ៥ រ៉ៃ​ មានតម្លៃជាង២០០ លាន​បាត (៥,៧៤០,៥២៨ដុល្លារ )។ ទន្ទឹម​នោះ Mai Davika បានបង្ហោះ​រូបភាពផ្ទះនៅជ្រុង​ផ្សេងៗនៃ​វិឡាដ៏​ប្រណិតនេះ​នៅលើ Instagram Story ដើម្បី​ឲ្យ​អ្នកគាំទ្របានឃើញនិងបង្ហាញថាវារួចរាល់ជាស្ថាពរ។ ក្នុងនោះមហាជនជាច្រើន បានចូលមកអបអរដល់តារាសម្ដែងរាងស្វែលរូបនេះ ដោយម្នាក់ៗលើកសរសើរពីវិឡាថាស្អាត សឹងតែគ្រប់ជ្រុង សមជាផ្ទះអភិជនពិតៗ៕

ប្រែសម្រួល៖ សាង ស្រីល័ក្ខ

ចុចអាន៖ក្រោយប្រកាសជិតរៀបការ Kimberly បង្ហាញរាងលើកនេះកាន់តែប្លែក

ចុចអាន៖Aum បង្ហោះរូបមួយសន្លឹក ក្នុងអាងទឹកទាំងកណ្ដាលអាធ្រាត្រ