ជីវិតកម្សាន្ដ

Fan Bingbing ទម្លាយការពិត ក្រោយបាត់ខ្លួនពីវិស័យសិល្បៈជាង ៥ ឆ្នាំ

បានផុស

៣ years មុន

នៅ

ថ្ងៃសៅរ៍ ២៥ កុម្ភៈ ២០២៣

ដោយ

ក្រោយមុខពីវិស័យសិល្បៈជាង៥ឆ្នាំ តារាសម្ដែងចិន Fan Bingbing បានចូលរួមមហោស្រពភាពយន្ត Berlin លើកទី ៧៣ ក្នុងប្រទេសអាល្លឺម៉ង់ ដោយនាងបានផ្ដល់បទសម្ភាសន៍ទម្លាយការពិតថា តាមពិតនាងបានរៀនពីរឿងជាច្រើនក្នុងជីវិត។

បន្ទាប់ពីត្រូវបានអាជ្ញាធរចិនចោទប្រកាន់ពីបទគេចពន្ធក្នុងចំនួនទឹកប្រាក់ ៨៨៣ លានយន់ តារាសម្ដែង Fan Bingbing ស្រាប់តែបាត់មុខពីវិស័យសិល្បៈចាប់តាំងតាំងពីឆ្នាំ ២០១៨ ហើយក្នុងអំឡុងពេលនោះអ្នកគាំទ្រពិតជាមានការព្រួយបារម្ភ និងចង់ដឹងថានាងបាត់ទៅណាដែរ។

ដោយឡែក តារាសម្ដែងវ័យអាយុ ៤១ ឆ្នាំរូបនេះ បានផ្តល់បទសម្ភាសន៍ក្នុងសន្និសិទកាសែតក្នុងពេលដែលនាងមានវត្តមានចូលរួមមហោស្រពភាពយន្ត Berlin ដោយថ្លែងអំណរគុណដល់អ្នកគាំទ្រ និងនិយាយថា “អរគុណដល់មិត្តភ័ក្តិ របស់ខ្ញុំមកពីជុំវិញពិភពលោក ខ្ញុំសុខសប្បាយទេ! ៥ឆ្នាំមកនេះខ្ញុំនៅផ្ទះនិងបានធ្វើរឿងជាច្រើន ជីវិតមនុស្សយើងទាំងអស់គ្នាមានការឡើងចុះ វាប្រហែលជាពិបាកខ្លាំងណាស់ក្នុងអំឡុងពេលនោះ។ ប៉ុន្តែអ្នកនឹងរៀនបានច្រើនពីវា។ ឥឡូវនេះអ្វីគ្រប់យ៉ាងគឺរលូនវិញហើយ!”

តារាសម្ដែង Fan Bingbing ក៏បានបន្ថែមទៀតថា ”បញ្ហាប្រឈមចុងក្រោយគឺខ្ញុំមិនបានសម្ដែងរយៈពេល៥ឆ្នាំមកហើយ ដូច្នេះខ្ញុំចង់រករឿងមួយ និងការបញ្ចាំងភាពយន្ត តួអក្សរដែលនឹងឆ្លុះបញ្ចាំងពីស្ថានភាពចិត្តរបស់ខ្ញុំនាពេលនេះ”។

សូមបញ្ចាក់ដែរថារឿង “Green Night” ដែលនាងដើរតួជាជនអន្តោប្រវេសន៍ចិន និងធ្វើការជាសន្តិសុខនៅព្រលានយន្តហោះក្នុងទីក្រុងសេអ៊ូល កូរ៉េខាងត្បូង គឺជាភាពយន្តទីមួយ ក្រោយពេលតារាស្រីរូបនេះបាត់ខ្លួនពីវិស័យភាពយន្តដល់ទៅ៥ឆ្នាំ៕

ប្រែសម្រួល៖ សាង ស្រីល័ក្ខ

ចុចអាន៖ជាទូតសុឆន្ទៈឲ្យប្រេនតែមួយ តែតារាថៃ Bright វ៉ាដាច់ Son Heung Min រកចំណូលខ្ពស់បំផុត

ចុចអាន៖អ្នកលេងអ៊ីនធឺណិតរិះគន់ ឈិន ឡុង ក្រោយដើរតួឯកស្នេហាជាមួយតារាស្រីវ័យក្មេង