ជីវិតកម្សាន្ដ

Mario បកស្រាយពេលគេរិះគន់ថា លោកធាត់ខ្លាំង មិនសមជាតារាលេខ ១

បានផុស

៣ years មុន

នៅ

ថ្ងៃអង្គារ ២៨ កុម្ភៈ ២០២៣

ដោយ

កន្លងមករូបភាពរបស់តារាសម្ដែងប្រុស Mario Maurer ប៉ុន្មានសន្លឹកត្រូវបានអ្នកលេងអ៉ិនធើណេតម្នាក់យកមកបង្ហោះ និងនិយាយរិះគន់អំពីរាងកាយថា លោកមិនរក្សារូបរាងរហូតបណ្ដាលឲ្យធាត់ជ្រុលខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយមកវាបានក្លាយជាវាជាប្រធានបទក្តៅលើបណ្ដាញសង្គម ខណៈអ្នកគាំទ្រជាច្រើនបានចេញមកនិយាយការពារនិងផ្ញើការលើកទឹកចិត្តដល់កំពូលតារាសម្ដែងរូបនេះយ៉ាងច្រើនលើសលប់។ ជាងនេះទៅទៀត នៅលើបណ្ដាញ TikTok អ្នកគាំទ្រម្នាក់បានបង្ហោះឃ្លិបពីរូបរាងលោក ហើយនិយាយថា ឯណាថាធាត់ជ្រុលមិនសង្ហា គាត់នៅតែសមជាតារា។

ដោយឡែកកាលពីពេលថ្មីៗនេះ អ្នកយកព័ត៌មានបានជួបជាមួយ Mario Maurer ក្នុងកម្មវិធីសម្ពោធរឿង Khunphan វគ្គ៣ ដែលលោកជាតួឯកប្រុសបាននិយាយថា “តាមពិត ខ្ញុំមិនធ្ងន់ធ្ងរទេ! ប៉ុន្តែមានអារម្មណ៍សោកស្តាយបន្តិច ព្រោះប្រហែលជាខ្ញុំធាត់ ឬថាញុំាសារជាតិ MSG រហូតហើមឬអត់? ប្រហែលជាខ្ញុំញ៉ាំ MSG ច្រើននៅថ្ងៃនោះ? ហើយវាមានជាតិសូដ្យូមច្រើនក្នុងខ្លួន។ នៅពេលដែលថតនៅមុំកាមេរ៉ាផ្សេងគ្នា វាអាចចេញមកឃើញធាត់ ប៉ុន្តែខ្ញុំមិនបដិសេធទេ។ វាជារឿងធម្មតា ហើយខ្ញុំព្យាយាមមើលថែខ្លួនឯងរាល់ថ្ងៃជានិច្ច”។

បន្ទាប់ពី Mario Maurer បានបកស្រាយរួចមកអ្នកគាំទ្ររបស់លោកក៏បានចូលទៅបញ្ចេញមតិគាំទ្រនៅការនិយាយរបស់លោកនៅពេលនេះ។ ហើយថា យ៉ាងណាមនុស្សគ្រប់គ្នាអាចនឹងឆ្លងកាត់ធាត់បាន មិនមែនឲ្យតែធាត់មិនសមជាតារា មិនចេះរក្សារូបរាងនោះទេ៕