ប្រេនលំដាប់អន្តរជាតិ Tiffany & Co. សម្រេចតែងតាំង Jimin ជាទូតសុឆន្ទៈ

នៅថ្ងៃទី ៣ ខែមីនា ម៉ាកយីហោគ្រឿងអលង្ការ Tiffany & Co បានប្រកាសថា Jimin សមាជិកក្រុម BTS ជាទូតសុឆន្ទៈថ្មីបំផុតរបស់ពួកគេដោយលើកឡើងថាលោកជា “អ្នកតំណាង K-pop នៅសតវត្សទី ២១” ។

នៅក្នុងសេចក្តីថ្លែងការណ៍មួយអំពីភាពជាដៃគូថ្មីនេះ Jimin បានអត្ថាធិប្បាយថា “វាជាកិត្តិយសដ៏អស្ចារ្យក្នុងការចាប់ដៃគូជាមួយ Tiffany ហើយបញ្ចូលតម្លៃនៃម៉ាកយីហោដែលមានចំណង់ចំណូលចិត្តក្នុងការរចនា ការច្នៃប្រឌិត និងសិល្បៈ។” ជាមួយគ្នានេះ លោក Alexandre Arnault អនុប្រធានប្រតិបត្តិរបស់ Tiffany សម្រាប់ផលិតផល បានចែករំលែកបន្ថែមថា “យើងទន្ទឹងរង់ចាំស្វាគមន៍សិល្បករពហុមុខ និងអ្នកតំណាង Jimin សមាជិកក្រុម BTS ជាទូតសុឆន្ទៈថ្មីបំផុតរបស់យើង ។

លោក Alexandre Arnault បានបន្តទៀតថា “Jimin បង្កប់នូវថាមពល រចនាប័ទ្ម និងអារម្មណ៍នៃភាព ទំនើប ដែលបង្ហាញពី Tiffany and Co យើងមានមោទនភាព និងរំភើបមិនគួរឱ្យជឿក្នុងការបង្ហាញ យុទ្ធនាការនាពេលអនាគតរបស់យើងជាមួយគាត់ដែលនឹងចាប់ផ្តើមនៅចុងនិទាឃរដូវនេះ​ ។

យ៉ាងណាមិញ Jimin ចូលរួមជាមួយ Rosé របស់ BLACKPINK ជាសិល្បករ K-pop ពីររូបគត់ដែល បានចុះហត្ថលេខាក្លាយជាទូតសុឆន្ទៈឲ្យម៉ាក Tiffany & Co.។ ជាពិសេសកាលពីដើមឆ្នាំនេះ Jimin ត្រូវបានជាទូតសុឆន្ទៈសកលថ្មីសម្រាប់ម៉ាកយីហោប្រណីតរបស់បារាំង Dior ផងដែរ ៕

ប្រែសម្រួល៖នាងតូច

ចុចអាន៖Hailey មានអ្នកតាមដានក្លែងក្លាយលើ IG ច្រើនជាង Kylie Jenner និង Selena ខណៈកំពុងមានរឿងដៀមដាមគ្នា