ជីវិតកម្សាន្ដ

បុគ្គលមួយក្រុមទម្លាយចរិតពិតរបស់ Bella នៅពីក្រោយឆាកសម្ដែង

បានផុស

១ ថ្ងៃ មុន

នៅ

ថ្ងៃអាទិត្យ ៥ មីនា ២០២៣

ដោយ

នាពេលថ្មីៗនេះតារាសម្ដែង Bella Ranee កំពុងក្លាយជាបុគ្គលពេញនិយមខ្លាំងទាក់ទងនឹងចរិតលក្ខណៈរបស់នាងដោយមានអ្នកលេងអ៊ិនធើណេតមួយចំនួនបានចោទនាងថា ជាមនុស្សយកមុខនិងធ្វើចរិតស្លូតៗឲ្យគេអាណិតពាសពេញប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះអ្នកនិយមលេងអ៊ីនធឺណិតជាច្រើនបានជីកកកាយនូវព្រឹត្តិការណ៍ពីអតីតកាល ដែលមានទាំងអ្នកខ្លះបានទាញ Mew Nittha និង Teaw nathaphon នៅឃ្លិបចាស់ៗមកបង្ហោះលើបណ្ដាញសង្គមដោយចោទ Bella ថា ជាប្រភេទមនុស្សយកមុខជ្រុល និងមិនចេះបែងចែកឲ្យមិត្តដ៏ទៃទៀតបានចេញមុខបង្ហាញទស្សនិកជនទេ។

យ៉ាងណាមិញ ដោយសារនិន្នាការនៃកេរ្តិ៍ឈ្មោះរបស់ Bella Ranee កាន់តែមានមនុស្សនិយាយមិនល្អ ទីបំផុតមនុស្សមួយក្រុមនៅពីក្រោយឆាកដែលធ្វើការជាមួយតារាស្រីរូបនេះទ្រាំលែងបាន ក៏ចេញមុខមកទម្លាយអត្តចរិតពិតថា នាងជាមនុស្សប្រភេទណាក្នុងសង្គមសិល្បៈថៃនេះ។

តាមរយៈការសរសេរអំពីទម្លាប់របស់ Bella មនុស្សមួយក្រុមក្រោយឆាកសម្ដែងនោះបានសរសេរយ៉ាងវែងអន្លាយថា “តើខ្ញុំត្រូវប្រាប់ប៉ុន្មានដង ដើម្បីមិនឲ្យវាយ Bale ? ខ្ញុំសូមបញ្ជាក់ថា គ្មានអ្នកណាល្អដូចនារីម្នាក់នេះទេ! ខ្ញុំស្រលាញ់គាត់មក១០ឆ្នាំហើយ គ្រប់គ្នានៅទីនេះចូលចិត្ត Bale ហើយធ្វើការជាមួយនាងដោយពេញចិត្ត។ និយាយដោយស្មោះត្រង់ ត្បិតថាពួកយើងជាក្រុមដែលបានធ្វើការជាមួយ Belle មកច្រើនក្ដី តែយ៉ាងណាពួកយើងជាមួយក្រុមការងារល្អដែលមាននាងរួមការងារជាមួយ នាងជាតួសម្តែងដែលធ្វើការជាមួយគ្នាមិនចេះត្អូញត្អែរថាហត់ នាងមានភាពភាពឆ្លាតវ៉ៃ នាងក៏ទទួលខុសត្រូវខ្ពស់ចំពោះការងារយ៉ាងខ្លាំងក្លាបំផុតផងដែរ”។

ទោះយ៉ាងណា មកទល់ពេលនេះឈ្មោះរបស់តារាស្រី Bella Ranee កំពុងក្លាយជាប្រធានបទក្ដៅៗក្នុងសង្គមសិល្បៈថៃ បើទោះបីជាមានអ្នកគាំទ្រខ្លះចេញមុខការពារថានាងជាមនុស្សបែបណាក្ដី។ ប៉ុន្តែឃ្លិបចាស់ៗកាលពីមុនរបស់នាង ត្រូវបានអ្នកលេងអ៉ីនធើណេតព្យាយាមជីកកកាយយកមកទម្លាយឲ្យមហាជនបានដឹងគ្រប់ៗគ្នា៕