ដូចដែលប្រិយមិត្តបានដឹង កាលពីប៉ុន្មានថ្ងៃមុននេះ តារាស្រី Kimmy Kimberly បានហោះទៅបារាំងអស់ពេលជាច្រើនថ្ងៃ ដើម្បីចូលរួមកម្មវិធី Fashion Week និងឆ្លៀតលឈុតកូនក្រមុំ ត្រៀមចូលរោងការនៅខែកញ្ញាខាងមុខ។

នៅថ្ងៃនេះ Kimberly បានត្រឡប់មកដល់ប្រទេសថៃវិញ ស្រាប់តែត្រូវគូដណ្ដឹងបង្កការភ្ញាក់ផ្អើល ដោយជូនបាច់ផ្កាមួយបាច់ធំដល់នាង ដែលធ្វើឱ្យនាងរភើបខ្លាំង ហើយបានថតវីដេអូឃ្លីបបង្ហោះនៅបណ្ដាញសង្គមផ្ទាល់ខ្លួនបង្ហាញហ្វេនៗ។ នៅក្នុងវីដេអូខ្លី Kimberly ហាក់អៀនប្រៀនបន្តិច មុននឹងនឹងទទួលបាច់ផ្កាទាំងក្ដីត្រេកអរ និងអរគុណដល់ Mark Prin ។ ក្នុងពេលជាមួយគ្នានោះ នាងបានសរសេរខេបសិនជាភាសាអង់គ្លេសជាមួយនឹងឃ្លីបវីដេអូថា “ការស្វាគមន៍ដ៏ផ្អែមល្ហែមបំផុត។ អរគុណណា៎បងសម្លាញ់ @ម៉ាក ព្រីន” (The Sweetest welcome thank you bb @mark_prin) ។

សម្រាប់តារាប្រុស Mark Prin តាំងពីស្រឡាញ់គ្នាមកទល់ពេលនេះ លោកតែងតែបង្ហាញភាពផ្អែមល្ហែមចំពោះ Kimberly អួតអ្នកគាំទ្រជានិច្ច ដែលទង្វើនេះធ្វើឱ្យអ្នកគាំទ្រពិតជាត្រេកអរជំនួសគូស្នេហ៍ពួកគេ ព្រមទាំងមានអ្នកខ្លះលួចច្រណែនទៀតផង។ ដូចពេលនេះអ៊ីចឹង ទោះបីស្រឡាញ់គ្នាជិត ១០ឆ្នាំមកហើយក្ដី ប៉ុន្តែភាពផ្អែមល្ហែមនៅបន្តធ្វើដាក់គ្នា មិនចេះជិនណាយសោះ៕

ប្រែសម្រួល៖ សន្យា

ចុចអាន៖ Kimberly ហោះទៅបារាំងដោយផ្ទាល់ ដើម្បីលរ៉ូបរៀបការ

ចុចអាន៖ Lisa ប្រាប់មូលហេតុដំបូងដែលនាំឱ្យនាងប្រឡូកក្នុងវិស័យ Kpop