បុរសម្នាក់ធ្វើម៉ូដែលសំលៀកបំពាក់គេងយប់របស់មនុស្សស្រី ទទួលការគាំទ្រយ៉ាងខ្លាំងនៅ ចិន

ប្រទេសចិន៖ អ្នកលក់អនឡាញម្នាក់ឈ្មោះ Xu បានផ្លាស់ប្ដូរម៉ូដែលអាវគេងយប់សិចស៊ីរបស់ខ្លួនពីមនុស្សស្រីទៅជាបុរស ធ្វើឲ្យមហាជនចាប់អារម្មណ៍ហើយសន្ទុះការគាំទ្រក៏កើនឡើងដូចគ្នា ។

លោក Xu ចាប់ផ្ដើមឡាយលក់បែបនេះតាំងពីខែធ្នូ ឆ្នាំមុនមកម្ល៉េះដោយគ្មានជម្រើស ព្រោះសំលៀកបំពាក់ដែលគាត់លក់សុទ្ធតែសិចស៊ីមិនអាចឲ្យនារីស្លៀកផ្សាយផ្ទាល់បានទេ ។

មានខំមិនមួយនៅក្នុងវីដេអូលោក Xu ទទួលបានជាង ២០០ ឡែក គេសរសេរថា “បុរសនេះស្លៀកស្អាតជាងស្រីទៅទៀត” ហើយក៏មានអ្នកខ្លះមិនពេញចិត្តនឹងភាពច្នៃប្រឌិតរបស់លោកដែរគេនិយាយថា គួរតែប្រើម៉ានីកាំងល្អជាង ។ ចំណែកមតិដែលលោក Xu ចាប់អារម្មណ៍ជាងគេនោះគឺថាគាត់កំពុងដណ្ដើមការងារស្ត្រី មិនចាំយូរគាត់តបវិញភ្លាមៗថា “អ្នកដឹកនាំការផ្សាយផ្ទាល់សុទ្ធតែជាមនុស្សស្រី តើពួកគេកំពុងដណ្ដើមការងារមនុស្សប្រុសមែនទេ ? 

ស្រដៀងគ្នានេះដែរលោក Wu Nan អាយុ ៤១ ឆ្នាំមកពីស៊ីឈ័នធ្លាប់លេចធ្លោដោយសារការពាក់ស្បែកជើងកែងដោយខ្លួនឯងដើម្បីបង្ហោះលក់ គំនិតនេះអាចជួយរកប្រាក់ឲ្យគាត់មួយខែជិតមួយលានឯណោះ ៕

ប្រែសម្រួល ៖ វារី

ប្រភព ៖ TNP

ចុចអាន ៖ ស្ត្រីម្នាក់ច្រឡំញ៉ាំនំស្រួយរូបបេះដូង Walkers ឈ្នះរង្វាន់ជិត ១២ ម៉ឺនដុល្លារ ចូលទៅក្នុងពោះបាត់