ជីវិតកម្សាន្ដ
Bella ទើបដាច់ចិត្តទម្លាយអារម្មណ៍ពិត រឿងក្រុមតារាស្រីស្អាតផ្លែផ្កាឱ្យខ្លួន
កាលពីចុងខែកុម្ភៈកន្លងទៅ សង្គមសិល្បៈថៃ បានផ្ទុះបញ្ហាចម្រូងចម្រាសរវាងតារាសម្ដែង Bella Ranee និងក្រុមស្រីស្អាត Mai Davika, Mew Nittha, Mint Chalida និង Margie Rasri បន្ទាប់ពីវីដេអូរបស់ Mai Davika បានផ្សព្វផ្សាយនៅលើអ៊ីនធឺរណិត។ ពេលនោះមហាជនជាច្រើនសម្ដែងការមិនពេញចិត្តចំពោះស្រីស្អាតទាំង ៤រូប ដែលបាននិយាយលេងដៀមដាមតារាដទៃ ហើយថាពួកគេឆ្លៀតឌឺដងឱ្យ Bella រហូតមានការទាមទារឱ្យសុំទោសជាសាធារណៈចំពោះ Bella ទៀតផង។
ភ្លាមៗ Mai Davika បានចេញមុខសុំទោស និងប្រកាសបិទវីដេអីនោះចោល។ ចំណែក Margie បានបង្ហោះ Story នៅក្នុង IG ថា អ្វីដែលខ្លួនបាននិយាយនោះ មិនបានផ្លែផ្កាទៅលើ Bella នោះទេ ព្រោះនាងគ្មានបញ្ហាជាមួយ Bella ឡើយ មិនថាអតីតកាល និងបច្ចុប្បន្ន។ ដោយឡែក Mint Chalida ក៏ទើបចេញមុខនិយាយថា ខ្លួនគ្មានចេតនាដៀមដាមនរណាឡើយ រួមទាំង Bella ដូចគ្នា។
តាំងពីរឿងចម្រូងចម្រាសសាយភាយពាសពាញបណ្ដាញសង្គមថៃ តារាសម្ដែង Bella ហាក់គ្មានប្រតិកម្មអ្វីឡើយ ទើបតែថ្មីៗនេះ នាងបានផ្ដល់បទសម្ភាសន៍ បើកចំហអារម្មណ៍ពិតរបស់ខ្លួន ក្រោយរឿងផ្លែផ្កាគ្នា នៅតែមិនទាន់ស្ងប់ស្ងាត់។
ឆ្លើយសំណួរក្នុងកម្មវិធី New Friends Telling តួឯកស្រីរឿង បុព្វេសន្និវាស និយាយថា នាងមានការភ្ញាក់ផ្អើលចំពោះរឿងដែលបានកើតឡើង។ សម្រាប់នាង នាងធ្លាប់ជួប និងធ្លាប់មានឱកាសនិយាយគ្នាលេងជាមួយពួកគេ។ នាងថា “ពួកយើងគ្មានបញ្ហាអ្វីនឹងគ្នាទេ ហើយ Bella ក៏មិនមានបញ្ហាជាមួយអ្នកណាដែរ” ។
បន្ថែមពីលើពាក្យប៉ុន្មានឃ្លានេះ តារាស្រីវ័យ ៣៣ឆ្នាំរូបនេះ សុំមិនធ្វើអត្ថាធិប្បាយអ្វីទៀត ហើយក៏មិនចង់បន្ថែមអ្វីដែរ ព្រោះមិនចង់ឱ្យប៉ះពាល់ដល់អ្នកដទៃ៕
ប្រែសម្រួល៖ សន្យា
ចុចអាន៖ កម្មវិធីសម្រស់ថៃ អនុញ្ញាតឱ្យបេក្ខភាពបវរកញ្ញាអាយុ ១៨-៨០ឆ្នាំ ដាក់ពាក្យប្រកួត
ចុចអាន៖ ទម្លាយតម្លៃឈុត ដែល Jisoo ស្លៀកក្នុង Teaser អាល់ប៊ុមទោលរបស់នាង
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង