ជីវិតកម្សាន្ដ

អ្នកគាំទ្រទទូចឲ្យ Bella និង James ក្លាយជាដៃគូសម្ដែងភាពយន្តជាមួយគ្នាម្ដងទៀត

បានផុស

២ ខែ មុន

នៅ

ថ្ងៃពុធ ២៩ មីនា ២០២៣

ដោយ

ដៃគូសម្ដែងដ៏សក្ដិសមឥតខ្ចោះ James Jirayu និង Bella Ranee ថ្មីៗនេះអ្នកទាំងពីរបានវិលមកជួបគ្នាម្ដងទៀតនៅក្នុងព្រឹត្តិការណ៍អបអរសាទរខួបលើកទី ៥៣ ក្រោមប្រធានបទ “Beloved Festival53 សម្រាប់បេះដូង” ដែលបានធ្វើឡើងកាលថ្ងៃទី២៦ខែមីនា កន្លងទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រឹត្តិការណ៍នេះបានធ្វើឲ្យអ្នកគាំទ្រជាច្រើនប្រមូលគ្នាបង្កើត hashtag #Jiranee លើបណ្ដាញសង្គមអ៊ីនធឺណិត និងគាំទ្រចង់ឲ្យគូនេះវិលត្រលប់មកសម្ដែងរួមគ្នាម្ដងទៀត ខណៈមហាជនមួយចំនួនទៀតទន្ទឹងឲ្យអ្នកទាំងពីរបណ្ដើរគ្នាចូលកម្មវិធីដូចមុនថែមទៀតផង។

ទន្ទឹមនោះដែរ Bella ក៏បានបង្ហោះរូបភាពប៉ុន្មានសន្លឹករបស់អ្នកគាំទ្រជាមួយនឹងខេបសិនថា ‘Belle សូមថ្លែងអំណរគុណចំពោះរាល់ការលើកទឹកចិត្តដែលអ្នករាល់គ្នាមានសម្រាប់ Belle ។ សូមអរគុណអ្នកនៅក្នុងសេចក្ដីស្រឡាញ់ ការនឹករលឹកជូនដល់ Bell របស់អ្នករាល់គ្នា ពិតជាមានន័យណាស់ រាល់ពេលដែលខ្ញុំក្រឡេកមើល បេះដូងខ្ញុំពេញដោយសុខនិងសុភមង្គលជានិច្ច។ ស្រលាញ់អ្នកជាងគេ ដឹងទេ? #belovedfestival53 ឆ្នាំល្អសម្រាប់បេះដូង”។

សូមរម្លឹកដែរថា James Jirayu និង Bella Ranee ធ្លាប់ចាប់ដៃគ្នាសម្ដែងក្នុងរឿងភាគដ៏ល្បីរបស់ទូរទស្សន៍ប៉ុស្តិ៍លខ៣ ដែលមានចំណងជើងថា “សុភាពបុរស Juthathep” និងរឿង “ឧត្ដមភរិយា” ធ្វើឲ្យភាគយន្តពីររឿងកក្រើកពាសពេញប្រទេសថៃ ហើយកេរ្តិ៍ឈ្មោះរបស់អ្នកទាំងពីរក៏ទទួលបានភាពល្បីល្បាញខ្លាំងរហូតមកទល់សព្វថ្ងៃនេះ៕