ជីវិតកម្សាន្ដ

ផ្ទុះកក្រើក! វណ្ណថាន និង វណ្ណដា ពួតដៃគ្នាចេញបទ”កម្លោះស្រុកខ្មែរ” រ៉េបផ្អើលអ្នកគាំទ្រ

បានផុស

៣ years មុន

នៅ

ថ្ងៃចន្ទ ១០ មេសា ២០២៣

ដោយ

កំពុងផ្ទុះការចាប់អារម្មណ៍ ខណៈកំពូលតារាចម្រៀងរ៉េប វណ្ណដា បានចាប់ដៃគ្នាសាងប្រជាប្រិយភាព និងការគាំទ្រថ្មីមួយទៀតជាមួយលោក វណ្ណថាន ក្នុងបទ”កម្លោះស្រុកខ្មែរ” ដែល MV បទនេះ មានការច្រៀងបញ្ចូលការរ៉េបយ៉ាងពីរោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តួយ៉ាងកាលពីយប់ថ្ងៃទី ០៧ ខែមេសា ឆ្នាំ ២០២៣ ថ្មីៗនេះ នៅលើទំព័រផេកផ្លូវការផលិតកម្ម “បារមី” បានទម្លាយMV បទថ្មី មានចំណងជើងថា «កម្លោះស្រុកខ្មែរ» ជាការច្រៀងរួមគ្នារវាងតារាចម្រៀងរ៉េប វណ្ណដា និង វណ្ណថាន ខណៈបទនេះកំពុងផ្ទុះការគាំទ្រខ្លាំងពីសំណាក់មហាជនទូទៅ ពិសេសមិត្តៗយុវវ័យ ដោយក្នុងនោះមានការលើកឡើងថា ពិធីចូលឆ្នាំខ្មែរនេះ គឺដឹងតែរាំលេងសប្បាយផ្អើលភូមិហើយ។

ប្រាកដណាស់ស្របពេលបទ«កម្លោះស្រុកខ្មែរ» ទើបតែរយៈពេលខ្លីប៉ុណ្ណា សន្ទុះ នៃការគាំទ្រ បានកើនឡើងខ្លាំងគួរឲ្យកត់សម្គាល់។ លើសពីនេះ មិនត្រឹមតែបទ«កម្លោះស្រុកខ្មែរ» ពី វណ្ណដា និង វណ្ណថាន ទេ ដែលទទួលបានការគាំទ្រច្រើន បើងាកទៅបទផ្សេងៗរបស់ផលិតកម្ម”បារមី” ដើម្បីអបអរចូលឆ្នាំខ្មែរមានដូចជា «ក្រមុំបារមី» ពីកញ្ញា ឡូរ៉ា ម៉ម , កៅ សុភា , ស៊ូ ស៊ីរីកា និងបទ«សង្ក្រាន្ត Jersey» ពីក្រុម Polarix -ប៉ូឡារិច ក៏ទទួលបានការគាំទ្រដូចគ្នា។

អ្នកលេងបណ្ដាញសង្គមបានរំពឹងថា តាមរយៈបទចម្រៀងខាងលើនេះ ក្នុងឱកាស នៃពិធីបុណ្យចូលឆ្នាំថ្មីប្រពៃណីជាតិខ្មែរឆាប់ៗខាងមុខនេះ កាន់តែផ្ទុះខ្លាំងលើសការរំពឹងទុក ដោយសារតែ”កម្លោះស្រុកខ្មែរ “របស់ វណ្ណដា និង វណ្ណ ថាន គឺសាច់ភ្លេងពីរោះខ្លាំងលាយឡំជាមួយឧបករណ៍ភ្លេងខ្មែរ ថែមទាំងមានឃ្លារ៉េប នៅក្នុងបទចម្រៀងទៀតផង៕

អត្ថបទ ៖ ចាន់រ៉ា