ភាពយន្តខ្នាតធំរបស់ Weir ចាក់បញ្ចាំងថ្ងៃដំបូង រកចំណូលបានជាង ៩លានបាត

បន្ទាប់ពីរឿបការរួច ទស្សនិកជនមិនសូវឃើញវត្តមានរបស់តារាសម្ដែង Weir Sukolwat លេចមុខលើអេក្រង់ឡើយ មិនថាក្នុងភាពយន្តភាគ ភាពយន្តខ្នាតធំ ឬស្ពតពាណិជ្ជកម្មនោះទេ។ ក្រោយរៀបការ តារាប្រុសរូបនេះ ធ្លាប់ប្រាប់ថា ​លោកនឹងផ្អាកពីសិល្បៈមួយរយៈ ដើម្បីយកពេលថែទាំគ្រួសារ ជាពិសេសកូនស្រីដំបូង ដែលទើបសម្រាលបានជាង ៤ខែ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ថ្មីៗនេះ Weir Sukolwat បានបង្ហាញខ្លួនសម្ពោធភាពយន្តខ្នាតធំបែបរន្ធត់រឿង “Home For Rent” (ផ្ទះជួល) ដែលលោកបានសម្ដែងជាតួឯកជាមួយជាតារាស្រី Mew Nittha។ អ្វីដែលគួរឱ្យចាប់អារម្មណ៍ នៅថ្ងៃដំបូងនៃការចាក់បញ្ចាំងរឿង “Home For Rent” ត្រូវប្រព័ន្ធផ្សព្វផ្សាយថៃ បានឱ្យដឹងថា ភាពយន្តនេះរកចំណូលបានច្រើនជាងគេ ស្ថិតនៅលំដាប់ទីមួយ ដោយចំណូលដែលទទួលបានគឺ ៩.១លានបាត ​(ប្រហែល ២៦៥,២១០ដុល្លាអាមេរិក) ។

ក្រោយទទួលបានការគាំទ្រលើសការរំពឹងទុក ខាងផលិតកម្ម និងស្ទូឌីយោ ក៏ដូចជាតួឯកប្រុស បានចេញមុខសម្ដែងអារម្មណ៍រីករាយ និងថ្លែងអំណរគុណដល់ទស្សនិកជន ដែលចូលចិតរ្តភាពយន្តថ្មីនេះ។ ដោយឡែកទស្សនិកជនដែលទៅទស្សនាផ្ទាល់នាំគ្នាបញ្ចេញយោបល់ថា Weir នៅតែសម្ដែងបានល្អ សក្តិសមជាតារារៀមច្បង៕

ប្រែសម្រួល៖ សន្យា

ចុចអាន៖ ស្វាមីភរិយា Patricia-Note រៀបចំពិធីប្រកាសភេទកូនដំបូង ដែលត្រូវស្នងមរតក

ចុចអាន៖ Taylor Swift ប្រេះឆាជាមួយមិត្តប្រុស ក្រោយទាក់ទងគ្នា៦ ឆ្នាំ