ជីវិតកម្សាន្ដ

អ្នកលេងអ៊ីនធឺណិតកូរ៉េ រិះគន់ឈុតស្រើបស្រាលរបស់ HyunA ពេលសម្ដែងនៅថៃ

បានផុស

៣ years មុន

នៅ

ថ្ងៃអង្គារ ១៨ មេសា ២០២៣

ដោយ

ក្រោយបង្ហាញខ្លួនក្នុងព្រឹត្តិការណ៍ WATERBOMB នៅទីក្រុងបាងកក តារាស្រីសិចស៊ី HyunA បានក្លាយជាប្រធានបទក្តៅនៅលើទំព័រប្រព័ន្ធផ្សព្វផ្សាយសង្គមកូរ៉េ ដោយសារតែនាងស្លៀកពាក់មិនសមភ្នែកអ្នកនៅទីនោះ។

តារាចម្រៀងស្រី K-pop រូបនេះបានក្លាយជាជាសិល្បករមួយរូបដែលត្រូវបានគេអញ្ញើញឲ្យចូលរួមព្រឹត្តិការណ៍ WATERBOMB ក្នុងទីក្រុងបាងកក អំឡុងពេលបុណ្យចូលឆ្នាំថ្មីកន្លងមក។ នៅក្នុងព្រឹត្តិការណ៍នោះ HyunA បានជ្រើសស្លៀកឈុតសិចស៊ីខ្លាំងហួសហេតុ និងមិនសមជាតារាចម្រៀង K-pop នោះទេ។

យ៉ាងណាមិញ ឈុតដែលបានស្លៀកឡើងឆាកបានក្លាយជាប្រធានបទក្តៅនៅលើទំព័រប្រព័ន្ធផ្សព្វផ្សាយសង្គមកូរ៉េដោយមានអ្នកនិយមលេងអ៊ីនធឺណិតផ្សេងៗគ្នាបញ្ចេញមតិរបស់ពួកគេអំពីបញ្ហានេះ រួមទាំងអ្នកចូលចិត្ត និងមិនចូលចិត្ត ហើយទស្សនិកជនខ្លះទៀតបង្ហាញអារម្មណ៍តក់ស្លុត សឹងមិនជឿភ្នែកខ្លួនឯងថែមទៀត។

ជាមួយគ្នានោះដែរ មហាជនកូរ៉េខ្លះបានយល់ស្របនឹងឈុតដោយថា “ត្រលប់មកវិញ Hyuna ១៣ឆ្នាំមុន ”, “Hyuna គឺល្អបំផុតក្នុងអំឡុងពេលនេះហើយ “, “នាងស្អាតមិនថានាងធ្វើអ្វី”, “នាងដូចជាម៉ាដូណា ហឹរណាស់”, “HyunA អ្នកស្អាតណាស់” ខណៈមួយចំនួនទៀតបញ្ចេញមតិថា “ហេតុអ្វីបានជានាងធ្វើដូច្នេះ? ឈុតនេះមិនសមនឹងនាងស្លៀកក្នុងនៅក្នុងប្រទេសថៃនោះទេ”។

ទោះយ៉ាងណានេះមិនមែនជាលើកទីមួយទេសម្រាប់ Hyuna ដែលនាងបង្ហាញខ្លួនក្នុងសំលៀកបំពាក់សិចស៊ីហួសហេតុបែបនេះ។ ជារឿយៗនាងតែងទទួលការរិះគន់រឿងស្លៀកពាក់ជាញឹកញាប់ ខណៈតារាស្រី K-pop រូបនេះមិនបានខ្វល់ខ្វាយនឹងមតិមហាជនសូម្បីតែបន្តិចណាឡើយ៕