ត្បិតថាមានកូនពីរនាក់ក្ដី តែសម្រស់ Kim TaeHee ស៊ីដាច់រលកក្រោយ

នៅឆ្នាំ ២០២៣ កំពូលតារាស្រី Kim Tae Hee ក្លាយជាម្ចាស់រហស្សនាមតារាកូរ៉េមានសម្រស់ស្រស់ស្អាត ដោយត្រលប់មកគ្រប់គ្រងឧស្សាហកម្មកម្សាន្តម្តងទៀត ក្រោយខកខានអស់រយៈពេល ៣ ឆ្នាំ ដើម្បីផ្ដោតលើ​ការថែទាំកូនទាំងពីររបស់នាង។

បច្ចុប្បន្ន Kim Tae Hee មាន​អាយុ ៤៣ ឆ្នាំ ខណៈ​តារាកូរ៉េ​បានរូបនេះទើបតែ​បង្ហោះរូបថត Selfie ខ្លួនឯងដោយបង្ហាញ​មុខ​ស្រស់​ស្អាត​របស់នាង ហើយ​នេះ​គឺ​ជា​ការ​បង្ហោះ​លើក​ដំបូង​របស់ Kim Tae Hee ក្នុងឆ្នាំ ២០២៣។ បន្ទាប់ពី អ្នកម្ដាយ​កូន២រូប​នេះ​មិន​ដែល​បង្ហាញ​វត្តមាន​លើ​ប្រព័ន្ធ​ផ្សព្វផ្សាយ​ម្ដង​ណា​ឡើយ​ ចាប់​តាំង​ពី​នាង​ប្រកាស​ផ្អាក​ពី​សិល្បៈ​មួយ​រយៈ​ធំ។

យ៉ាងណាមិញតាមរយៈរូបថតច្រើនសន្លឹករបស់តួឯកស្រីក្នុងរឿង “Iris” បានសរសេរខេបសិនយ៉ាងវែងអន្លាយថា “​ជា​យូរ​មក​ហើយ​ដែល​ខ្ញុំ​បាន​ជ្រើសរើស​យក​ចិត្ត​ទុក​ដាក់​លើ​ជីវិត​ប្រចាំ​ថ្ងៃ​។ ហើយខ្ញុំនឹងត្រលប់មកសួរសុខទុក្ខអ្នកវិញជាមួយនឹងស្នាដៃថ្មីៗឆាប់ៗនេះ ដូច្នេះហើយខ្ញុំមានគម្រោងនឹងបង្ហោះឲ្យបានញឹកញាប់បន្ថែមទៀតនៅពេលខាងមុខ។ ខ្ញុំថត Selfie ដំបូងរបស់ខ្ញុំ ទើបខ្ញុំបង្ហោះវា ហាហា”។

នៅក្នុងផ្នែក​បញ្ចេញ​មតិ អ្នកគាំទ្រ​ភាគច្រើន​រំភើបចិត្ត​យ៉ាង​ខ្លាំង​ចំពោះទង្វើចុងក្រោយរបស់ Kim Tae Hee ។ មិនតែប៉ុណ្ណោះ សម្រស់ដ៏ស្រស់សោភារបស់នាងបានធ្វើឲ្យទស្សនិកជនជាច្រើនបញ្ចេញមតិជាបេះដូង ស្របពេលដែលអ្នកខ្លះក៏សរសើរថា​ ត្បិតថាមានវ័យ៤៣ឆ្នាំតែសម្រស់នៅតែចែងចាំងមិនណាឡើយ។ ជាពិសេសនាងសក្តិសមនឹងរហស្សនាមតារាកូរ៉េមានសម្រស់ស្រស់ស្អាតពិតមែន៕

ប្រែសម្រួល៖ សាង ស្រីល័ក្ខ

ចុចអានមកម្រឃើញ! Kim Tae Hee បង្ហាញសម្រស់ក្មេងជាងវ័យនៅអាយុ ៤៣ ឆ្នាំ

ចុចអាន៖​អ្នកគាំទ្រភ្ញាក់ផ្អើល ក្រោយដឹងថា Rain មានជំងឺធាត់មុនអាយុ