BLACKPINK ឆ្លើយតបពាក្យចចាមអារ៉ាមរឿងរំសាយក្រុម ហើយអាចបន្តកុងត្រាជាមួយ YG

ក្រោយលេចឮពាក្យចចាមអារ៉ាមរឿងរំសាយក្រុម BLACKPINK ដែលមានសមាជិកទាំងបួននាក់ Jisoo, Jenny, Rosé, Lisa ពេលនេះពួកគេបានឆ្លើយតបថានឹងបន្តកុងត្រាជាមួយផលិតកម្ម YG Enterta inment ទៅមុខទៀត។

នៅក្នុងបទសម្ភាសន៍ជាមួយកម្មវិធី Bloomberg ក្រុមចម្រៀង BLACKPINK បានលើកឡើងដោយផ្ទាល់នូវពាក្យចចាមអារ៉ាមអំពីការរំសាយក្រុម ហើយក្នុងពេលជាមួយគ្នានោះបានបំបាត់ការព្រួយបារម្ភរបស់អ្នកគាំទ្រដោយបញ្ជាក់ថាពួកគេនឹងបន្តកុងត្រាជាមួយផលិតកម្ម YG Entertainment ក្នុងរយៈពេលយូរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាពិសេស នៅពេលដែលត្រូវបានសួរអំពីអាជីពទោលដ៏ជោគជ័យរបស់សមាជិកម្នាក់ៗ នៅក្នុង នោះ Jisoo ដែលបច្ចុប្បន្នកំពុងទទួលបានការចាប់អារម្មណ៍យ៉ាងខ្លាំងពីទស្សនិកជនជាមួយនឹងអាល់ប៊ុមថ្មីដែលមានចំណងជើងថា ME ។ សមាជិកBLACKPINK ទាំងអស់បាននិយាយ ថា “យើងគិតថាយើងបង្កើតភាពស៊ីសង្វាក់គ្នាដ៏អស្ចារ្យបំផុតសម្រាប់ពួកយើងមានទាំងបួននាក់។យើងចង់បន្តអាជីពតន្ត្រីដែលយើងស្រលាញ់ជាយូរមកហើយ ក្នុងនាមជាក្រុម BLACK PINK” ។

ទន្ទឹមនឹងនោះកម្មវិធី Bloomberg បានសរសើរចំពោះសមាជិកទាំងបួនក្នុងការរួមដំណើរសិល្បៈជាមួយគ្នា ថ្វីត្បិតតែសមាជិកម្នាក់ជោគជ័យខ្លាំងជាមួយនឹងបទចម្រៀងទោលរៀងៗខ្លួន ប៉ុន្តែសមាជិកទាំងអស់នៅតែស្និទ្ធស្នាលគ្នាខ្លាំង គ្មានការច្រណែនគ្នាឡើយ។ ជាមួយគ្នាសូម្បីតែ BLACKPINK បានបញ្ជាក់ថា ពួកគេចាត់ទុកគ្នាជាគ្រួសារ និងបងប្អូន ជំនួសឱ្យសមាជិកក្រុមតែមួយ ។

យ៉ាងណាមិញ នៅពេលបច្ចុប្បន្ននេះ BLACKPINK ជិតផុតកុងត្រាជាមួយផលិតកម្ម YG Entertain ment ហើយយោងតាមការចែករំលែករបស់ក្រុម វាហាក់បីដូចជា Jennie, Jisoo, Lisa និង Rosé នឹងបន្តបន្តកុងត្រាថ្មីរបស់ពួកគេនៅពេលអនាគត ៕

ប្រែសម្រួល៖នាងតូច

ចុចអាន៖ត្បិតថាមានកូនពីរនាក់ក្ដី តែសម្រស់ Kim TaeHee ស៊ីដាច់រលកក្រោយ