Baby Monster នឹងបង្ហាញខ្លួនជាក្រុមមានតែសមាជិក ៥ នាក់ប៉ុណ្ណោះ

លោក Yang Hyun Suk បាននិយាយថា ក្រុមចម្រៀងនារីថ្មីដែលនឹងត្រៀមនឹងបញ្ជេញមុខរបស់ YG Enterta inment គឺ BABYMONSTER នឹងបង្ហាញខ្លួនជាក្រុមដែលមានសមាជិកចំនួន ៥ នាក់តែប៉ុណ្ណោះ ។

នៅថ្ងៃទី ២៨ ខែមេសា ផលិតកម្ម YG Entertainment បានបង្ហោះវគ្គចុងក្រោយនៃកម្មវិធី reality show របស់ BABYMONSTER ដែលមានចំណងជើងថា “Last Evaluation” នៅគណនី YouTube ផ្លូវការរបស់ក្រុមចម្រៀងនេះ។ នៅក្នុងវីដេអូផលិតករទូទៅរបស់ YG លោក Yang Hyun-seok បាននិយាយថា “តាំងពីដំណាក់កាលដំបូងនៃការធ្វើកម្មវិធីនេះឡើង ពួកយើងបានគិតពី Baby Monster គួរមានសមាជិកតែ ៥ ប៉ុណ្ណោះ។ សមាជិកចុងក្រោយនឹងត្រូវបានប្រកាសជាសាធារណៈ នៅម៉ោង ០:០០ នៅថ្ងៃទី ១២ ខែឧសភា” ។

Baby Monster ជាក្រុមចម្រៀងនារីថ្មីរបស់ផលិតកម្ម YG មានសមាជិកបឋមសរុបចំនួន ៧ នាក់៖ ជនជាតិកូរ៉េ ៣ នាក់ (Ahyeon, Haram, Laura), ជនជាតិថៃ ២ នាក់ (Parita, Chiquita) និងជន ជាតិជប៉ុន ២ នាក់ (Luka, Asa) ។ បច្ចុប្បន្ននេះ ពួកគេកំពុងស្ថិតក្រោមការវាយតម្លៃចុងក្រោយតាម រយៈកម្មវិធី reality showដំបូងរបស់ YG ។

យ៉ាងណាមិញ ចាប់តាំងពីផលិតកម្មYG Entertainment បង្ហាញមុខក្រុមចម្រៀងថ្មី BABYMONSTER មកសមាជិកម្នាៗទទួលបានការចាប់អារម្មណ៍ពីអ្នកគាំទ្រ k pop ក៏ដូចជាអ្នកនិយមលេងអ៊ីន ធឺណិតមួយចំនួនផងដែរ ៕

ប្រែសម្រួល៖នាងតូច

ចុចអាន៖ក្រុមចម្រៀងនារី Kpop ជំនាន់ទី ៣ កំពុងមានទីផ្សារនៅអន្តរជាតិ