Jisoo ចំណាយលុយខ្ទង់ពាន់ដុល្លារ ជាអំណោយសម្រាប់ឆ្កែរបស់នាង

Jisoo សមាជិកក្រុម BLACKPINK បានបង្ហាញអំណោយថ្ងៃកំណើតរបស់សត្វចិញ្ចឹមរបស់នាងជាមួយកាបូប Dior ដែលមានតម្លៃ ៥ លានវ៉ុន (ប្រហែល៣.៧៣៧ ដុល្លារ) និងបង្ហាញពីការបត់បែនដ៏ពិសេសរបស់នាងក្នុងនាមជាទូតសុឆន្ទៈរបស់ម៉ាកយីហោនេះ ។

កាលពីថ្ងៃទី ១៥ ខែឧសភា Jisoo បានបង្ហោះរូបថតមួយសន្លឹកនៅគណនីបណ្តាញសង្គមផ្ទាល់ខ្លួន របស់នាងដោយនិយាយថា “កាដូខួបកំណើតសម្រាប់ Dalgom របស់យើង”។ នៅក្នុងរូបថតនោះ Dalgom ដែលជាឆ្កែរបស់ Jisoo ត្រូវបានគេឃើញនៅខាងក្នុងកាបូប Dior ដ៏ប្រណិតតម្លៃ ៥ លានវ៉ុន (ប្រហែល៣.៧៣៧ ដុល្លារ) ជាមួយសេចក្តីស្រឡាញ់របស់ Jisoo ចំពោះសត្វចិញ្ចឹមរបស់នាង ។

ទន្ទឹមនឹងនោះ យោងទៅតាមរបាយការណ៍របស់ប្រព័ន្ធផ្សព្វផ្សាយកូរ៉េ Haute Couture Spring/ Sum mer ឆ្នាំ ២០២៣ ដែលចេញផ្សាយដោយវេទិកាទីផ្សារដ៏មានឥទ្ធិពលរបស់បារាំង Lefty តារាស្រី Jisoo ទទួលបានតម្លៃនៅលើប្រព័ន្ធផ្សព្វផ្សាយខ្ពស់បំផុត ២១.៩ លានដុល្លារ បន្ទាប់ពីចូលរួមកម្មវិធី Christian Dior Haute Couture ដែលធ្វើឡើងនៅទីក្រុងប៉ារីស ប្រទេសបារាំងកាលពីថ្ងៃទី ២៣ ខែ មករា ។

ដោយឡែក នៅពេលបច្ចុប្បន្ននេះ Jisoo ដែលមានអ្នកតាមដាននៅលើ Instagram ចំនួន ៦៨.៨ លាននាក់ បានបង្ហាញនូវឥទ្ធិពលយ៉ាងខ្លាំងរបស់នាង ជាមួយនឹងអត្រាចូលរួម ៧.៨ភាគរយក្នុងកម្ម វិធី fashion week ដោយវ៉ាដាច់ Kylie Jenner និង Doja Cat ជាដើម ៕

ប្រែសម្រួល៖នាងតូច

ចុចអាន៖គន្លឹះថែរក្សាស្បែក ៤ ជំហានរបស់ Song Hye Kyo សុទ្ធតែជាវិធីសាមញ្ញបំផុត