លោក Piya លើកសរសើរចំៗថា Aum និង Chompoo ជាតារាស្រីមានអត្តចរិតល្អខ្លាំង

តារាសម្ដែងនិងជាអ្នករៀបចំកម្មវិធីដ៏ល្បី Piya Savetpikui ដែលមានបទពិសោធន៍ក្នុងវិស័យ​សិល្បៈអស់ច្រើនឆ្នាំពេលនេះលោកបានទម្លាយអត្តចរិតពិតរបស់តារាថៃពីរដួង បើទោះបីជាពួកគេក្លាយជាកំពូលតារាលំដាប់ជួរមុខក្នុងប្រទេសក្ដី។

ស្ថិត​ក្នុង​កម្មវិធី Exposed ពិធីករ​ក្នុង​កម្មវិធីបានងាកមកសួរលោ​ក Piya Savetpikui ខ្លះៗពាក់ព័ន្ធនឹងតារាសម្ដែង Aum Patchrapa ខណៈលោកបានបង្ហើបថា “ Aum ពិតជាកំពូលតារា​ល្អបំផុតនៅក្នុងឧស្សាហកម្មកម្សាន្តនេះ គាត់គឺជាមនុស្សដែលគោរពពេលវេលានិងមកទៀងទាត់ល្អណាស់។ បើមកយឺតគាត់នឹងប្រាប់ខ្ញុំជាមុន​ ហើយក៏មិនលើសពី១៥ នាទីទេ។​ ​ Aum ល្បី​ប៉ុណ្ណា​ដែរ! ប៉ុន្តែ​មក​ដល់​ហើយ​នៅ​តែ​ឡើង​ហាត់​លើ​ឆាក​ទៀត។ អ្នកខ្លះល្បីដល់ថ្នាក់មានអ្នកគ្រប់គ្រងមកហាត់ជំនួស! តែ Aum មិនដូចនោះ​ទេ គាត់​ហ្វឹកហាត់​​ដោយ​ខ្លួនឯង នេះជាអ្វីដែលកំពូលតារាធ្វើ”។

បន្ថែមពីនេះលោក Piya Savetpikui បាននិយាយទៀតថា លោកបានជួបមនុស្សល្អដូចជា Chompoo Araya នាងគួរស្រលាញ់ណាស់ ហើយទាំង Chompoo និង Aum សុទ្ធតែមាន​ចិត្ត​សប្បុរស​ចំពោះអ្នកដទៃ និងតែយល់ពីទុក្ខធុរៈអ្នកផងដោយមិនខ្វល់ថាខ្លួនឯងគឺជាតារាលំដាប់ប្រទេសនោះទេ៕

ប្រែសម្រួល៖ សាង ស្រីល័ក្ខ

ចុចអាន៖តារាប្រុសម្នាក់ទម្លាយពីអត្តចរិតពិតរបស់ Aum ក្រោយធ្វើការជាមួយគ្នាមួយរយៈ