ជីវិតកម្សាន្ដ

មិនមែនលេចធ្លោរហូតទេ មួយឈុតរបស់ Chompoo ក្នុងកម្មវិធី Cannes រងការរិះគន់មិនពេញចិត្តពីមហាជន

បានផុស

១០ ខែ មុន

នៅ

ថ្ងៃចន្ទ ២២ ឧសភា ២០២៣

ដោយ

បន្ទាប់ពីបង្ហាញនៅឈុតចុងក្រោយក្នុងកម្មវិធី Cannes លើកទី ៧៦ ដោយដើរលើកម្រាលព្រំក្រហមបង្អួតរាងដូចឈុតមុនៗ តារាសម្ដែង Chompoo បែរទទួលការរិះគន់យ៉ាងចាស់ដៃពីសំណាក់មហាជនក្នុងប្រទេសថៃ ថាមិនសមគួរយករ៉ូបពណ៌ក្រហមមួយនេះមកបង្ហាញគេឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈការបង្ហោះរូបភាពចុងក្រោយលើបណ្ដាញសង្គម Instagram ពិធីការិនី Chompoo Araya បានជ្រើសរើសរ៉ូបពីម៉ាកល្បី Jean Paul Gaultier Haute Couture ខណៈនាងពាក់គ្រឿងអលង្ការ Bulgari អមដោយខ្សែកពស់ ដើម្បីឲ្យត្រូវគ្នានឹងរូបរាងក្នុងពិធីបង្ហាញខ្លួនជាលក្ខណៈអន្តរជាតិ។

យ៉ាងណាមិញរ៉ូបមួយនេះបានធ្វើឲ្យអ្នកនិយមលេងអ៊ីនធឺណិតក្នុងប្រទេសថៃមានការអន់ចិត្តយ៉ាងខ្លាំង បន្ទាប់ពីរូបភាពទាំងនោះត្រូវបានគេផ្សព្វផ្សាយជាសាធារណៈរួចមក។ ក្នុងនោះមហាជនជាច្រើនបាននិយាយអំពីពណ៌នៃសំលៀកបំពាក់ដែលលាយជាមួយកម្រាលព្រំ និងអំពីរូបរាងរបស់អ្នកម្ដាយកូនបីថា មិនសមនឹងឈុតមួយនេះទេ មើលកាន់តែយូរទៅកាន់តែអាក្រក់ខ្លាំង។

ទោះយ៉ាងណាក៏ដោយមិនត្រឹមតែអ្នកលេងអ៊ីនធឺណិតថៃទេដែលរិះគន់នោះទេ អ្នកលេងអ៊ីនធឺណិតក្រៅពីថៃក៏រិះគន់រូបរាងនេះដែរ។ គ្រប់គ្នាបញ្ចេញមតិដូចៗគ្នាថាស្បែកជើងមិនសមនឹងរ៉ូបទាល់តែសោះ។ ម៉្យាងទៀត នាងមិនគួររើសឈុតក្រវេមក្រវាមមកបង្អួតលើឆាកអន្តរជាតិនោះទេ៕