V នឹងមិនចូលរួមកម្មវិធីមហោស្រពភាពយន្ត Cannes ក្រោយផ្ទុះរឿងអាស្រូវជាមួយ Jennie

បន្ទាប់ពីសារព័ត៌មានកូរ៉េមួយចំនួនបានបញ្ជាក់ថា V ដែលជាសមាជិកក្រុម BTS នឹងចូលរួមក្នុងមហោស្រពភាពយន្តអន្តរជាតិ Cannes លើកទី ៧៦ ផលិតកម្មគ្រប់គ្រង Bighit Music បានបដិសេធព័ត៌មាននេះ បន្ទាប់មានពាក្យចចាមអារ៉ាមណាត់ជួបគ្នាជាមួយ Jennie នៃក្រុម BLACKPINK ។

ជាក់ស្ដែងព័ត៌មាននេះបានផ្ទុះឡើងបន្ទាប់ពី V ខ្លួនឯងបានបង្ហោះរូបភាពលិខិតអញ្ជើញពីម៉ាកសំលៀកបំពាក់ Celine ដែលបានអញ្ជើញលោកចូលរួមកម្មវិធីមហោស្រពភាពយន្តអន្តរជាតិ Cannes ។ រឿងនេះធ្វើឲ្យអ្នកគាំទ្ររំភើបចិត្តជាខ្លាំង ហើយសង្ឃឹមថានឹងឃើញតារាប្រុសរូបនេះ ដើរលើកម្រាលព្រំក្រហមនៃមហោស្រពភាពយន្តដ៏ល្បីមួយនេះ ហើយទស្សនិកជនជាច្រើនថែមទាំងទន្ទឹងរង់ចាំឃើញ V និង Jennie សមាជិកក្រុម BLACKPINK ដើរជាមួយគ្នានៅលើកម្រាលព្រំក្រហម ក្រោយពីមានពាក្យចចាមអារ៉ាមទាក់ទងគ្នាជាបន្តបន្ទាប់ ។

ទោះជាយ៉ាងណាក៏ដោយ វាហាក់បីដូចជាការអញ្ជើញពីម៉ាកយីហោ Celine នេះអនុវត្តតែចំពោះព្រឹត្តិការណ៍ម៉ូដផ្ទាល់ខ្លួនប៉ុណ្ណោះ។ ផលិតកម្មបានប្រកាសថា “V កំពុងនៅប្រទេសបារាំងដើម្បីរៀបចំចូលរួមព្រឹត្តិការណ៍បង្ហាញម៉ូដលំដាប់ខ្ពស់មួយ ដោយV នឹងមិនចូលរួមកំរាលព្រំក្រហមនៃមហោស្រពភាពយន្ត Cannes” ។

ភ្លាមៗបន្ទាប់ពីការប្រកាសពីផលិតកម្មបានបង្ហោះ អ្នកគាំទ្រមានការខកចិត្តយ៉ាងខ្លាំងដោយ V មិនបង្ហាញខ្លួននៅនៅលើកម្រាលព្រំក្រហមនៃមហោស្រពភាពយន្ត Cannes ដូចដែលការរំពឹងទុករបស់ពួកគេ ៕

ប្រែសម្រួល៖នាងតូច

ចុចអាន៖BLACKPINK បំបែកឯកត្តកម្មរកចំណូលលើសពី ១០០ លានដុល្លារ ពីការប្រគំតន្ត្រី