ជីវិតកម្សាន្ដ

តារាចិន Angelababy ត្រូវគេប្រដូចទៅនឹងមេអំបៅកំពុងឆេះ

បានផុស

៣ years មុន

នៅ

ថ្ងៃព្រហស្បតិ៍ ១ មិថុនា ២០២៣

ដោយ

បន្ទាប់ពីធ្វើការជាច្រើនឆ្នាំនៅក្នុងឧស្សាហកម្មកម្សាន្តចិន Angelababy នៅតែជាតារាសម្តែងគ្របដណ្តប់គ្រប់បណ្តាញសារព័ត៌មានក្នុងស្រុក និងអន្តរជាតិ ខណៈថ្មីៗនេះស្ទូឌីយោបានបង្ហោះរូបភាពស្រស់ស្អាតជាបន្តបន្ទាប់របស់នាង ធ្វើឲ្យទស្សនិកជនមួយចំនួនធំប្រដូចសម្រស់ទៅនឹងមេអំបៅកំពុងឆេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈរូបថតចុងក្រោយនេះ Angelababy ស្លៀករ៉ូបដែលរចនាយ៉ាងល្អិតល្អន់គ្រប់ចន្លោះសឹងរកកន្លែងទាស់គ្មាន។ លើសពីនេះ តារាស្រីរូបនេះ ក៏មិនប្រើប្រាស់គ្រឿងសម្អាងតិចតួចបែបធម្មជាតិ ដើម្បីលើកសម្រស់សំលៀកបំពាក់ឲ្យកាន់តែទាក់ទាញ។

ទោះយ៉ាងណាក៏ដោយ ដើម្បីអាចស្លៀកពាក់ពិបាកបែបនេះ Angelababy ត្រូវតែតឹងរ៉ឹងជាមួយខ្លួននាងជានិច្ចក្នុងការហូបចុក និងរបបរស់នៅ ខណៈការដែលអ្នករចនាម៉ូដម្នាក់បានប្រាប់ជាសាធារណៈថា នាងត្រូវបង្រួញសំពត់ប្រហែល ១២ សង់ទីម៉ែត្រដើម្បីស្លៀកក្នុងព្រឹត្តិការណ៍មួយបាន រហូតធ្វើឲ្យមានការភ្ញាក់ផ្អើលនៅលើអ៊ីនធឺណិតជាខ្លាំងនៅពេលដែលដឹងពីរូបរាងតូចច្រឡឹងនិងស្លីមរបស់ Angelababy តាមរយៈរ៉ូបមេអំបៅ៕