ជីវិតកម្សាន្ដ

Rain និង Kim Tae Hee អាចធ្លាក់ខ្លួន ក្រោយដាក់លក់អគារថ្លៃបំផុត តែគ្មានអ្នកទិញឬជួល

បានផុស

៣ years មុន

នៅ

ថ្ងៃអង្គារ ៣០ ឧសភា ២០២៣

ដោយ

នៅលើវេទិកាសហគមន៍ អ្នកនិយមលេងអ៊ីនធឺណិតកំពុងពិភាក្សាអំពីរបាយការណ៍ប្រព័ន្ធផ្សព្វផ្សាយអំពីអគារថ្លៃៗរបស់គូស្នេហ៍តារាល្បីទាំងពីរដែលមិនត្រូវបានគេជួល ឬអ្នកទិញឡើយ។

ប្តីប្រពន្ធនេះបានទិញអគារនេះក្នុងខែមិថុនា ឆ្នាំ ២០២១ ក្នុងតម្លៃប្រហែល ៩២ ពាន់លានវ៉ុន បន្ទាប់មកពួកគេដាក់វាវិញនៅលើទីផ្សារសម្រាប់លក់ត្រឹមតែមួយឆ្នាំក្រោយមក។ បើយោងតាមរបាយការណ៍ផ្លូវច្បាប់ ពួកគេបានប្រកាសលក់ ១៤០ ពាន់លានវ៉ុនសម្រាប់អគារនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជា Rain និង Kim Tae Hee បានបដិសេធមិនដាក់អគារនេះនៅក្នុងទីផ្សារក៏ដោយ របាយការណ៍បន្ថែមក្រោយមកបានបង្ហាញឲ្យដឹងថា ពួកគេបានយកការផ្តល់ជូនរបស់ពួកគេមកវិញ នៅពេលដែលអ្នកទិញមិនបង្ហាញខ្លួន។

ដោយឡែក អ្នកជំនាញអចលនទ្រព្យបានចែករំលែកថាការចំណាយ ១៤០ ពាន់លានវ៉ុន មិនមែនជាការចំណាយជាក់ស្ដែងសម្រាប់អ្នកទិញមធ្យមនោះទេ បើទោះបីជាអគារនេះស្ថិតនៅក្នុងទីតាំងសំខាន់មួយក្នុងទីក្រុង Gangnam ក៏ដោយ។

បច្ចុប្បន្នវាក្លាយជាអគារទទេរ គ្មានអ្នកជួលទាំងជាន់ទី១ និងជាន់ទី២ ដែលនេះបើតាមព័ត៌មានរបស់អ្នកនិយមលេងអ៊ីនធឺណិត ខណៈចំនួនទឹកប្រាក់នៃការចំណាយ ហើយការបង់រំលស់ប្រចាំខែដែលអ្នកទាំងពីរបានបង់ គួរមានប្រហែល ២០០ លានវ៉ុនក្នុងមួយខែ។

ជាមួយគ្នានោះដែរ អ្នកនិយមលេងអ៊ីនធឺណិត បានបញ្ចេញមតិជាច្រើនផ្សេៗគ្នាថា “ខ្ញុំស្ទើរតែមិនជឿថាពួកគេសម្រេចចិត្តលក់វាបន្ទាប់ពីមួយឆ្នាំ ហេតុផលរបស់ពួកគេគឺពិតជាមើលឃើញតាមរយៈការខ្ចីប្រាក់គេហើយត្រូវលក់សងវិញ”, “នេះជាមូលហេតុដែលនាងចាប់ផ្តើមធ្វើការភ្លាមៗ? សម្តែងជាតួថ្មី? ត្រូវសងប្រាក់កម្ចីទិញអគារ”, “មកពីពួកគេលោភលន់ពេក!”, “មិនបាច់ឆ្ងល់ទេ វាថ្លៃណាស់ វាមានចម្ងាយដើរពីស្ថានីយ៍ Gangnam”, “ខ្ញុំគិតថាថ្លៃថែទាំនឹងច្រើនណាស់”, “មានអារម្មណ៍ប្លែក ពេលឃើញ Kim Tae Hee នៅលើអេក្រង់ម្តងទៀត”៕