បេក្ខភាព កែវ ស្រីលីន ត្រូវបានស្ថាប័នMGC ប្រកាសដកសិទ្ធប្រកួតព្រោះមូលហេតុ២

មានការភ្ញាក់ផ្អើល ខណ:កញ្ញា កែវ ស្រីលីន ដែលជាបេក្ខភាពក្នុងការប្រកួតសម្រស់កញ្ញាឯកនៃ Miss Grand Cambodia តំណាងខេត្តកំពត ត្រូវបានស្ថាប័ន MGC ប្រកាសដកសិទ្ធជាបេក្ខភាពប្រកួតផ្លូវការព្រោះមូលហេតុធំៗ២ចំណុច។

បើតាមការលើកឡើងរបស់ស្ថាប័នMGCបានឲ្យដឹងថា ស្ថាប័នសូមអភ័យទោសដល់ទស្សនិកជន ខាងស្ថាប័នពិតជាមិនចង់អោយមានបញ្ហាកើតឡើងឡើយ ប៉ុន្តែក្រោយពីទុកឱកាសដល់កញ្ញាច្រើនដង ប៉ុន្តែនៅតែមិនមានការកែប្រែស្ថាប័នខ្លាចមានបញ្ហាដល់ពេលប្រឡងថ្ងៃខាងមុខ យើងសូមប្រកាសដកកញ្ញាពីMiss Grand Cambodiaតំណាងខេត្តកំពតជាផ្លូវការតែម្តង ។

ស្ថាប័នMGCបានបញ្ជាក់ថា នឹងប្រកាសបេក្ខភាពដែលមកតំណាងខេត្តកំពតក្នុងពេលឆាប់នេះ។ ស្ថាប័នMGC សង្ឃឹមថា ពុកម៉ែបងប្អូននឹងយោគយល់ដល់ខាងស្ថាប័ន។ ក្នុងនោះដែរខាងស្ថាប័នក៏បានបង្ហាញហេតុផលចំនួន២ចំណុចចំករណីនេះផងដែរ។

មូលហេតុដែលត្រូវបានស្ថាប័នបញ្ជាក់គឺ ១.កញ្ញាមិនគោរពតាមគោលកាលការណ៍ និងលក្ខខណ្ឌកុងត្រារបស់ក្រុមហ៊ុន។២.កញ្ញាមិនគោរពពេលវេលាពិបាកក្នុងការទំនាក់ទំនងស្ថាប័ននឹងរៀបចំធ្វើទៅតាមផ្លូវច្បាប់តាមការចែងនៅក្នុងកុងត្រា៕

អត្ថបទ៖ ចាន់រ៉ា