Matt ឆ្លើយវឹងភ្លាមៗ ក្រោយមានគេសួរ ពេលណាបើកបេះដូងទទួលអ្នកថ្មី

បែកបាក់ស្នេហ៍ជាមួយអ្នកជំនួញពោះម៉ាយ ជិត ២ខែមកនេះ តារាសម្ដែង Matt Peeranee តែងត្រូវបានអ្នកគាំទ្រតាមផ្គូផ្គងនឹងបុរសដែលនាងស្និទ្ធស្នាលជាមួយ ហើយថ្មីៗនេះនាងត្រូវប្រិយមិត្តតាមសួរនាំអំពីបុរសប្លែកមុខម្នាក់ ព្រោះចង់ឱ្យនាងបើកបេះដូងទទួលអ្នកថ្មី។

ក្រោយ​រូបភាព​ដើរ​លេង​ជាមួយបុរសម្នាក់នៅឆ្នេរសមុទ្រ Hua Hin បានចែករំលែកនៅលើបណ្ដាញសង្គម ព័ត៌មានចចាមអារ៉ាមអំពី Matt មានមិត្តប្រុសថ្មីក៏បានផ្សព្វផ្សាយទន្ទឹមគ្នា ខណៈអ្នកគាំទ្រឯណោះវិញ ពិតជាចង់ដឹងថាបុរសម្នាក់នោះជាស្នេហាថ្មីរបស់ Matt ឬមិនមែន។

ឆ្លើយតបទៅនឹងចម្ងល់របស់អ្នកគាំទ្រ សាមីខ្លួនបានចេញមុខផ្ដល់សម្ភាសន៍បញ្ជាក់យ៉ាងច្បាស់ថា ទោះបីពេលនេះនាងនៅទំនេរ ប៉ុន្តែនាងមិនទាន់គិតចង់សាងទំនាក់ទំនងថ្មីនៅឡើយ។ ចំពោះមូលហេតុសាមញ្ញនោះទេ គឺដោយសារនាងខ្លាចខុសដូចពេលមុន។ ចំណែកបុរសដែល Matt បណ្ដើរនោះ ត្រឹមតែជាមិត្តភក្តិនឹងគ្នាប៉ុណ្ណោះ៕

 ប្រែសម្រួល៖ សន្យា

ចុចអាន៖ អ្នកគាំទ្រជំរុញឱ្យ Matt ទាក់ទងនឹង Great ក្រោយឃើញពួកគេស្និទ្ធស្នាលគ្នាលើសពីមិត្ត

ចុចអាន៖ ភាពយន្ត The Little Mermaid បរាជ័យក្នុងការចាក់បញ្ចាំងនៅកូរ៉េ