ព័ត៌មានជាតិ
មោទកភាព! សាយ បានប្រគល់ប្រាក់៥០ម៉ឺនដុល្លារ ដល់មន្ទីរពេទ្យកុមារអង្គរ
ព្រឹត្តិការណ៍“រត់ដើម្បីសប្បុរសធម៌ជាមួយសាយ” គឺជាព្រឹត្តិការណ៍មនុស្សធម៌ដ៏ល្បីល្បាញ និងមានការគាំទ្រពីប្រជាជនកម្ពុជា ជាពិសេសនៅលើបណ្តាញសង្គម ត្រូវបានបញ្ចប់ជាស្ថាពរ។
ព្រឹត្តិការណ៍ពីយុទ្ធនាការ «១ដុល្លារសម្រាប់កុមារកម្ពុជា” “រត់ដើម្បីសប្បុរសធម៌ជាមួយសាយនេះ ត្រូវបានប្រកាសបិទបញ្ចប់ ហើយបានផ្ដល់ថវិកាជិត៥០ម៉ឺនដុល្លារអាមេរិក ដល់មន្ទីរពេទ្យកុមារអង្គរ នាព្រឹកថ្ងៃទី២៥ ខែមករា ឆ្នាំ២០២១នេះ ដែលធ្វើឡើងនៅមន្ទីរពេទ្យកុមារអង្គរ។
លោក អ៊ួន បឋម ហៅសាយ ដែលមហាជនបានដាក់រហស្សនាមឲ្យថា ជាវីរជន និងជាអ្នកផ្ដើមគំនិតមនុស្សធម៌នេះ បានឲ្យដឹងថា ថវិកាជិត៥០ម៉ឺនដុល្លារនេះ គឺជាថវិកាសប្បុរសធម៌ទទួលបានពីព្រឹត្តិការណ៍របស់ខ្លួន ដែលប្រមូលចាប់ពីថ្ងៃទី០៦ ខែតុលា ឆ្នាំ២០២០ដល់ថ្ងៃទី២៤ ខែមករា ឆ្នាំ២០២១ ដែលមានថវិកាសរុបចំនួនជាង២ពាន់២៥លានរៀល( ២,០២៥,៦០៩,៧១០រៀល)ដែលស្មើនឹង ៤៩៤,០៩១ ដុល្លារអាមេរិក។ លោកបានបន្ដថា ថវិកានេះ បានប្រគល់ដល់មន្ទីរពេទ្យកុមារអង្គរ ដើម្បីយកទៅប្រើប្រាស់នៅក្នុងដំណើរប្រតិបត្តិការណ៍ពិនិត្យនិងព្យាបាលថែទាំ ដល់កុមាររងគ្រោះកម្ពុជា នៅមន្ទីរពេទ្យកុមារអង្គរប្រកបដោយតម្លាភាព គណនេយ្យភាព ក្នុងការរួមចំណែកពង្រឹងប្រព័ន្ធថែទាំសុខភាព និងធ្វើឲ្យប្រសើរឡើងនូវសុខុមាលភាពកុមារនៅក្នុងប្រទេសកម្ពុជា នៅក្នុងឆ្នាំ២០២១នេះ។
គួររំលឹកផងដែរ ថា ព្រឹត្តិការណ៍សប្បុរសធម៌ រត់ដើម្បីសប្បុរសធម៌ជាមួយសាយ” បានចាប់ផ្តើមនៅព្រឹកថ្ងៃទី០៦ ខែតុលា ឆ្នាំ២០២០ ដោយចាកចេញពីរាជធានីភ្នំពេញ។ សាយ និងក្រុមការងារលះបង់កម្លាំង កាយចិត្ត និងពេលវេលា រត់អស់រយៈពេល ៩៩ថ្ងៃ ឆ្លងកាត់២១ខេត្ត ។ ព្រឹត្តិការណ៍នេះ ត្រូវបានរាប់បញ្ចូល ជាព្រឹត្តិការណ៍ដ៏ធំបំផុត មួយនៅក្នុងប្រទេសកម្ពុជា។ អំឡុងពេលនៃការរត់ សាយ តែងតែអំពាវនាវដល់ប្រជាជនកម្ពុជាធ្វើការបរិច្ចាគមកកាន់មន្ទីរពេទ្យកុមារអង្គរ នៅលើបណ្ដាញសង្គមរបស់ខ្លួន ដើម្បីរំលឹកស្មារតីចែករំលែក ជាពិសេសដល់កុមាររងគ្រោះកម្ពុជា ដែលការសេវាសុខភាព ដែលមានគុណភាពល្អ។ ចំណែកមូលនិធិដ៏ធំមួយនៃមូលនិធិទទួលបាន គឺមូលនិធិពីយុទ្ធនាការ «១ដុល្លារសម្រាប់កុមារកម្ពុជា ពីព្រឹត្តិការណ៍” “រត់ដើម្បីសប្បុរសធម៌ជាមួយសាយ។ បានបញ្ចប់ប្រកបដោយភាពជោគជ័យ និងពោរពេញ ដោយស្នាមញញឹម ហើយមានការគាំទ្រយ៉ាងច្រើនកុះករពីមហាជន។
បច្ចុប្បន្ននេះ មន្ទីរពេទ្យកុមារអង្គរមិនត្រឹមតែផ្តល់នូវសេវា សុខភាពប្រកបដោយគុណភាព និងជំនាញឯកទេសវិជ្ជាជីវៈខ្ពស់ដល់កុមារកម្ពុជា មន្ទីរពេទ្យក៏មានការប្តេជ្ញាចិត្តក្នុងការបណ្តុះបណ្តាលវេជ្ជសាស្ត្របន្តពង្រីកការអភិវឌ្ឍន៍សមត្ថភាពចំណេះដឹងទាំងក្នុង និងនៅ ខាងក្រៅមន្ទីរពេទ្យ ព្រមទាំងដើរតួនាទីជាអង្គភាពគំរូ ដែលមានអភិបាលកិច្ចគណនេយ្យភាពល្អប្រសើរ។ តាមរយៈទិន្នន័យនៃការស្រាវជ្រាវ និងគោលនយោបាយបានបង្ហាញឲ្យឃើញថា មន្ទីរពេទ្យកុមារអង្គរកំពុង តែជួយសង្គ្រោះជីវិតកុមារកាន់តែទូលំទូលាយ តាមរយៈការពង្រឹងប្រព័ន្ធថែទាំសុខភាព និងធ្វើឲ្យប្រសើរ ឡើងនូវសុខុមាលភាពកុមារក្នុងតំបន់ និងអន្តរជាតិ៕
អត្ថបទ៖ គឿនវេត
សូមចុចអាន៖ ដើមឆ្នាំ២០២១នេះ ដំណឹងល្អជាច្រើនបានបង្ហាញដល់ក្រុមគ្រួសារឧកញ៉ា ឡេង ណាវ៉ាត្រា
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង