៣ ចំណុច នាយ ពែកមី មើលឃើញ បឺត សំរេច ដូចអធិរាជសំឡេងមាស ស៊ិន ស៊ីសាមុត

កាលពីពេល​ថ្មីៗនេះបន្ទាប់ពីអតីតកីឡាករប្រដាល់​លោក បឺត សំរេច បានអះអាងថាជាកូនប្រុសបង្កើតអធិរាជសំឡេងមាសលោកតា ស៊ិន ស៊ីសាមុត រហូតមកទល់ពេលនេះនៅតែជាមន្ទិលសម្រាប់មហាជន ខណ:ការពិតមិនទាន់បញ្ជាក់ច្បាស់​នៅឡើយទេ។

តាមរយ:ដំណឹងដែលលោក បឺត សំរេច ដាច់ចិត្តទម្លាយរឿងដែលកប់ទុកក្នុងចិត្តជាយូរឆ្នាំមកហើយដោយអះអាងថាជាកូនប្រុសរបស់លោកតា ស៊ិន ស៊ីសាមុត បានក្លាយជាប្រធានបទដ៏ពេញនិយមសម្រាប់មហាជននិងអ្នកប្រើប្រាស់បណ្តាញសង្គមជជែកវែករកការពិត។ ក្នុងនោះក៏មានមតិមួយចំនួនយល់ថា លោក បឺត សំរេច ស្រដៀង​នឹង​លោកតា ស៊ិន ស៊ីសាមុត ចំណែកខ្លះទៀតជំរុញឲ្យមានការពិនិត្យ DNA ផងដែរ។

ជាមួយគ្នានឹងដំណឹងដ៏ភ្ញាក់ផ្អើលនេះ ស្រាប់តែតារាកំប្លែងនាយពែកមីបានចេញមកលើកឡើងជាថ្មីនៅចំណុចមួយចំនួនពាក់ព័ន្ធលោក បឺត សំរេច។ នាយ ពែកមី បានមើលឃើញ ៤ ចំណុចដែលយល់ថា បឺត សំរេច ដូចអធិរាជសំឡេងមាស ស៊ិន ស៊ីសាមុត ប្រមាណ ៧០ ភាគរយគឺមានដូចជា, ភ្នែកដូចណាស់ ,មាត់ និង​កាយវិការ។

គួរបញ្ជាក់ថាថ្មីៗមុននេះអតីតកីឡាករលោកបឺត សំរេច បានទម្លាយយ៉ាងភ្ញាក់ផ្អើលថារូបលោកគឺជាកូនប្រុសបង្កើតរបស់អធិរាជសំឡេងមាស ស៊ិន ស៊ីសាមុត។ ដំណឹងភ្ញាក់ផ្អើលនេះស្របពេលដែលលោក ប៊ឺត សំរេច បានចេញមុខបញ្ជាក់នៅក្នុងកម្មវិធីចម្រៀងគ្រួសារខ្មែរ។

នៅក្នុងកិច្ចសម្ភាសន៍កម្មវិធីចម្រៀងគ្រួសារខ្មែរលោក បឺត សំរេច បាននិយាយថាលោកគឺជាកូនប្រុសបង្កើតរបស់លោក​តា ស៊ិន ស៊ីសាមុត ដែលមានម្តាយជាអ្នករបាំព្រះរាជទ្រព្យនាសម័យមុននិងជាគ្រូពេទ្យប្រចាំនៅខេត្តកំពង់ឆ្នាំង។ តាមលោក​បឺត សំរេច បានបញ្ជាក់ថាលោកបានដឹងរឿងរ៉ាវខាងលើនេះឡើងតាមរយ:ការរៀបរាប់ប្រាប់ពីសំណាក់ម្តាយចិញ្ចឹមរបស់លោកដែលនិយាយប្រាប់៕

អត្ថបទ៖ ចាន់រ៉ា