ជីវិតកម្សាន្ដ

តារាសម្ដែង ហ្វីយ៉ាតា លើកឡើងចំៗ ពាក់ព័ន្ធវិស័យសិល្បៈបច្ចុប្បន្ន

បានផុស

៣ years មុន

នៅ

ថ្ងៃព្រហស្បតិ៍ ២០ កក្កដា ២០២៣

ដោយ

ស្រីស្អាត ថៃ នារីសុជាតា ហៅ ហ្វីយ៉ាតា គឺជាតារាសម្ដែង និងជាអតីត Freshie Girls ធ្លាប់មានភាពល្បីល្បាញខ្លាំង ទោះបីជាពេលនេះហាក់ឃ្លាតឆ្ងាយពីសិល្បៈក៏ពិតមែន ប៉ុន្តែនាងនៅតែជាតារាស្រីម្នាក់មានមហាជនជាច្រើនចាប់អារម្មណ៍តាមរយៈការលេងស្ទាយ៍តែងខ្លួនប្លែកៗ មិនឲ្យច្រឡំគេ។

យ៉ាងណាមិញក្រឡេកមកមើលរឿងដ៏ចាប់អារម្មណ៍ថ្មីមួយទៀត ស្រាប់តែតារាសម្ដែង ហ្វីយ៉ាតា ចេញមុខទម្លាយរឿងរ៉ាវនឹកស្មានមិនដល់នៅពីក្រោយខ្នងក្នុងវិស័យភាពយន្តខ្មែរនាពេលបច្ចុប្បន្ន។ ក្នុងនោះ យ៉ាតា បានលើកឡើងចំៗ ដោយឥតសំចៃមាត់ពាក់ព័ន្ធទាំងការសម្ដែង និងជ្រើសរើសតួ។ ហ្វីយ៉ាតា បាននិយាយថា «ស្រុកគេទៅមុខហើយៗ សិល្បៈក៏ទៅមុខ ភាពយន្តក៏ទៅមុខ ទេសចរណ៍ក៏ទៅមុខ យើងនៅរវល់រកតែតួណាថត free ឬ ថតរឿងមួយថ្ងៃឲ្យគ្នាបានតែ ៥០ ដុល្លារ ឬ ១០០ ដុល្លារ ហ្នឹងទៅ»។

តារាស្រី ហ្វីយ៉ាតា បាននិយាយទៀតថា «ក្រុមហ៊ុនខ្លះ agency ខ្លះ បានលុយមកពី Sponsors ទុកហូបគ្នាឯង ដល់ឲ្យតួ ៥០ ដុល្លារ ឬ ១០០ ដុល្លារ តែរកចង់បានតួលំដាប់គ្រាន់បើៗ ដែរមកថតឲ្យក៏ឆ្លាតតែឯងម្ល៉េះ? ហើយ client ខ្លះអ៊ីចឹងដែរ មានលុយតែអត់ចេះមើលតួមើលអីខ្លួនឯងខ្លះទេថាវាសមអត់ត្រូវនឹង concept អត់? ឲ្យតែ agency ថាយកយកដែរ agency គេឆ្លាតគេយកណាគេឲ្យចំណីតិចៗ ក៏ព្រម ហើយតួល្បីៗខ្លះក៏អ៊ីចឹងដែរ ឲ្យតែបានថតតម្លៃម៉េចក៏យកដែរកូរផ្ទៃក្នុងទីផ្សារញាក់»។

តារាសម្ដែងរូបនេះបន្តថា «អ្នកដែលប្រកាន់គោលជំហរច្បាស់លាស់ និងដឹងពី talent ខ្លួនគេពិតប្រាកដអត់សូវមានទឹកមាត់លេបទេ ព្រោះឥឡូវគេមិនសូវមើលលើ talent គេមើលរកអាណាយកថោកជាង ស្រុកគេ គេឲ្យតម្លៃតារាគេណាស់ គេថតមួយរឿង ឬ ថត commercial អីមួយ ឃើញលុយតែម្ដង ចំណែកយើងវិញ តួខ្លះដែលយើងឃើញតាម billboard អី និងខ្លះថត free ខ្លះបានលុយ តែលុយហ្នឹងមិនបាច់ឆ្ងល់ទេ»។

ហ្វីយ៉ាតា និយាយបន្ថែមថា «អីចឹងៗ បានពួក agency ខ្លះ គេរកតែតួណាគេស្រួលហូបពីលើបានច្រើន ព្រោះមនុស្សយើងខ្លះៗ ឥឡូវគោលជំហរមិនសូវមានចង់តែមានមុខ។ យកអ្នកកំប្លែង Promote ខាង beauty យកអ្នក beauty ទៅ promote ហាងបាយ យកអ្នក promote ហាងបាយមក promote ឡាន យកអ្នកចម្រៀង promote កីឡា យកអ្នកកីឡា promote bar និយាយទៅអ្នកណាយកថោក អញយកអ្នកហ្នឹង រឿង talent ត្រូវ concept អត់ទុកសិន»។