ជីវិតកម្សាន្ដ

ម៉ា ដូណា ស្នើបណ្ដាញសារព័ត៌មានក្នុងស្រុកចុះផ្សាយលើកទឹកចិត្ត វីជេ អាណូ ជៀសវាងប៉ះពាល់ផ្លូវចិត្ត

បានផុស

៣ years មុន

នៅ

ថ្ងៃអង្គារ ១៥ សីហា ២០២៣

ដោយ

តារាសម្ដែងលោក ម៉ា ដូណា បានចេញមកស្នើសុំដោយទទូចដល់បណ្ដាញសារព័ត៌មានក្នុងស្រុក មេត្តាធ្វើការចុះផ្សាយដោយការលើកទឹកចិត្តចំពោះ វីជេ អាណូ ជៀសវាងប៉ះពាល់សតិអារម្មណ៍ និងផ្លូវចិត្តសម្រាប់នាងដែលកំពុងជួបវិបត្តិផ្លូវចិត្តធ្ងន់ធ្ងរ។

លោក ម៉ា ដូណា ក៏បានអំពាវនាវសិល្បករ-សិល្បការិនី និងមហាជន ផ្ដល់ការលើកទឹកចិត្ត និង ចូលរួមឧបត្ថម្ភតាមលទ្ធភាព ដើម្បីជួយសម្រួលដល់ការព្យាបាលរបស់ វីជេ អាណូ នាពេលនេះ។

តារាសម្ដែង ម៉ា ដូណា ដែលបានទៅដល់ផ្ទាល់នៅមន្ទីរពេទ្យ បានបញ្ជាក់ប្រាប់ “កម្ពុជាថ្មី” ថា អាការ វីជេ អាណូ ពេលនេះ មានលក្ខណៈធ្ងន់ធ្ងរនៅឡើយ ព្រោះរបួសដែលចាក់នោះមានសភាពមុតជ្រៅ ប៉ះពាល់ដល់ពោះវៀន ដូច្នេះត្រូវការព្យាបាលយ៉ាងយកចិត្តទុកដាក់សិន។

លោក ម៉ា ដូណា និយាយទៀតថា «សូមបងប្អូនអ្នកសារព័ត៌មាន សូមជួយចុះផ្សាយក្នុងការលើកទឹកចិត្តគាត់ផង ជៀសវាងកុំឲ្យមានការ comment ពាក្យមិនល្អ ធ្វើឲ្យគាត់ប៉ះពាល់សតិអារម្មណ៍ផ្លូវចិត្តគាត់»។

លោក ម៉ា ដូណា បានបញ្ជាក់ថា «សម្រាប់ស្ថានភាព វីជេ អាណូ ពេលនេះ គឺមានការឈឺចុកចាប់ខ្លាំង បន្ទាប់ពីគាត់ចាក់ខ្លួនឯងបណ្ដាលឲ្យរងរបួសជ្រៅ ដែលប៉ះពាល់ដល់ប្រព័ន្ធខាងក្នុងខ្លួន»។

លោកថា «រឿងដែលកើតឡើងនេះ អាចបណ្ដាលមកពីបញ្ហានៅក្នុងគ្រួសារ បញ្ហាបំណុលខ្លះ និងអ្វីដែលសំខាន់នោះ គឺ វីជេ អាណូ ចង់វិលចូលសិល្បៈវិញ ប៉ុន្តែមិនត្រូវបានផ្ដល់ឱកាស និងថែមទាំងរងការប្រមាថមើលងាយមិនឲ្យតម្លៃពីបុគ្គលមួយចំនួន»៕

អត្ថបទ ៖ ចាន់រ៉ា