តារាម៉ូដែលខ្ពស់ជាងគេបំផុតលើលោក ចូលរួមប្រកួត Miss World អន្តរជាតិ

តារាម៉ូដែល Ekaterina Lisina កំពុងបង្កការភ្ញាក់ផ្អើលក្នុងការប្រកួត Miss World អន្តរជាតិ ដោយសារកម្ពស់ខ្ពស់ដាច់គេរបស់នាង ។

ជាការពិតណាស់ Lisina មានកម្ពស់ដល់ទៅ ២,០៦ ម៉ែត្រឯណោះ នៅក្នុងរូបនាងកំពុងស្លៀករ៉ូបពណ៌ទឹកប៊ិច ជាមួយនឹងស្បែកជើងកែង ដោយបង្ហាញថានាងតំណាងឲ្យប្រទេសស្លូវ៉ាគី ដែលបានរស់នៅអស់រយៈពេល ៥ ឆ្នាំ ។

ជាក់ស្ដែងតារាម៉ូដែលវ័យ ៣៥ ឆ្នាំខាងលើមានដើមកំណើតពីប្រទេសរុស្ស៊ី នាងប្ដេជ្ញាចិត្តថានឹងចូលរួមគ្រប់ការប្រកួតទាំងអស់ ដើម្បីតំណាងឲ្យស្ត្រីកម្ពស់ខ្ពស់ដ៏ស្រស់ស្អាតជុំវិញពិភពលោក ។

គួរបញ្ជាក់ថា នេះមិនមែនជាការប្រកួតដំបូងរបស់នាងទេ Lisina ធ្លាប់ធ្វើជាកីឡាករបាល់បោះអាជីព និងឈ្នះមេដាយសំរឹទ្ធក្នុងព្រឹត្តិការណ៍អូឡាំពិកឆ្នាំ ២០០៨ ទៀតផង ។

បើនិយាយពីគូស្រករវិញ វាពិតជាពិបាកសម្រាប់នាងណាស់ ព្រោះមិនងាយមានបុរសណាពេញចិត្តនឹងកម្ពស់ខ្ពស់ពេកឡើយ ៕

ប្រែសម្រួល៖ វារី

ប្រភព៖ dailystar

ចុចអាន៖ ការពិតតារាអន្តរជាតិ ៨ រូបនេះ មានកម្ពស់មិនត្រូវតាមស្តង់ដារទេ