តារាថៃ Mew និងស្វាមីសេដ្ឋី បង្ហាញមុខគាំទ្រគ្រួសារស៊ីណាវ៉ាត្រាពេញទំហឹង

ការវិលត្រឡប់របស់អតីតនាយករដ្ឋមន្ត្រីថាក់ស៊ីន ស៊ីណាវ៉ាត្រា ទៅកាន់ប្រទេសថៃក្នុងរយៈពេល ១៧ឆ្នាំចុងក្រោយនេះ បានទាក់ទាញចំណាប់អារម្មណ៍ពីគ្រប់មជ្ឈដ្ឋាន។ សូម្បីតែឧស្សាហកម្មកម្សាន្ត ដោយ​មាន​តារា​ល្បីៗ​ជា​ច្រើន​បាន​ប្រកាស​ស្វាគមន៍យ៉ាងកក់ក្ដៅបំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ក្នុងនោះមានតារាប្រុស-ស្រីក្នុងវិស័យ​សិល្បៈថៃជា​ច្រើន​ បានសម្រុក​ធ្វើ​ដំណើរ​ទៅ​ជួប​អតីត​នាយក​រដ្ឋមន្ត្រីថាក់ស៊ីន និង​លើកទឹកចិត្ត​គ្រួសារ​ស៊ីណាវ៉ាត្រាដោយបើកចំហ ខណៈ​គ្រួសារ​របស់​តារា​ស្រី​ Mew Nittha និង​ស្វាមី​ដែលជាអ្នកជំនួញហៃសូ​ក៏​ធ្វើ​ដំណើរ​ទៅ​ទទួល​​​ និងចេញមុខគាំទ្រយ៉ាងពេញទំហឹងផងដែរ។

តាមរយៈបណ្ដាញសង្គមផ្ទាល់ខ្លួនរបស់ស្វាមី Mew Nittha បានបង្ហោះរូបភាពថតរួមគ្នាជាមួយក្រុមគ្រួសារស៊ីណាវ៉ាត់ត្រា បង្ហាញទឹកមុខយ៉ាងសប្បាយរីករាយក្នុងពេលដែលលោកថាក់ស៊ីនបានវិលមកកាន់ទឹកដីកំណើតជួបជុំជាមួយកូនៗនិងចៅៗ។

ទោះយ៉ាងណាក៏ដោយ រូបភាពច្រើនសន្លឹកនោះក៏ត្រូវបានលោកស្រី Paetongtarn Shinawatra យកទៅបង្ហោះបន្តដោយក្ដីរីករាយ និងសប្បាយចិត្ត ក្នុងនាមជាមនុស្សស្និទ្ធស្នាលគ្នាផងដែរ៕

ប្រែសម្រួល៖ សាង ស្រីល័ក្ខ

ចុចអាន៖រៀមច្បង Anne ត្រូវមហាជនរិះគន់ដូចព្យុះ ក្រោយដឹកនាំរឿងប្រើហិង្សាជ្រុលពេក