បង្ហាញតម្លៃអចលនទ្រព្យរាប់លានដុល្លាររបស់ Song Joong Ki សុទ្ធតែនៅទីក្រុងធំៗលើលោក

ថ្វីត្បិតមិនសូវបង្ហាញវត្តមានក្នុងភាពយន្តភាគញឹកញាប់ដូចមុន ប៉ុន្តែតារាសម្ដែងកូរ៉េខាងត្បូង Song Joong Ki មានផ្ទះធំៗ ៣កន្លែង សុទ្ធតែនៅក្នុងទីក្រុងល្បីៗលើលោក ខណៈផ្ទះទាំងនោះសរុបជាប្រាក់ តម្លៃរាប់លានដុល្លារអាមេរិក។

យោងតាមការផ្សព្វផ្សាយរបស់ទូរទស្សន៍ tvN បានបង្ហាញថា បច្ចុប្បន្ន Song Joong Ki មានអចលនទ្រព្យជាច្រើននៅក្នុងដៃ ដែលក្នុងនោះលោកមានខុនដូ និងផ្ទះល្វែងជាច្រើនខ្នងនៅទីក្រុងសេអ៊ូល ប្រទេសកូរ៉េខាងត្បូង និងវីឡាមួយខ្នងនៅទីក្រុងរ៉ូម ប្រទេសអ៊ីតាលី ហើយមួយខ្នងទៀតនៅរដ្ឋហាវ៉ៃ សហរដ្ឋអាមេរិក។

តាមរបាយការណ៍អចលនទ្រព្យរបស់តួឯកប្រុសរឿង “មេធាវីដៃឆៅ” នៅសេអ៊ូលមានតម្លៃសរុបដល់ទៅ ៦៤លានដុល្លារអាមេរិក ចំណែកខុនដូប្រណីតនៅរដ្ឋហាវ៉ៃតម្លៃ ២.២៨លានដុល្លារអាមេរិក។

ទោះបីទស្សនិកជនមិនដឹងច្បាស់នូវតម្លៃផ្ទះនៅទីក្រុងរ៉ូម ប៉ុន្តែគេជឿថា ផ្ទះមួយខ្នងនេះក៏ពុំមានតម្លៃទាបនោះដែរ ត្បិតបច្ចុប្បន្នវាជាកន្លែងស្នាក់នៅរវាង Song Joong Ki​ និងភរិយា Katy Louise Saunder ព្រមទាំងកូនដំបូងរបស់ពួកគេ៕

ប្រែសម្រួល៖ សន្យា

ចុចអាន៖ គ្រាន់តែ​ Mai Davika បង្ហោះរូបលើ IG ម្ដង អាចរកប្រាក់បានជិត ២សែនដុល្លារអាមេរិក

ចុចអាន៖ បង្ហោះ Instagram ម្ដងៗ Song Hye Kyo រកចំណូលបានខ្ទង់សែនដុល្លារ