មុនក្លាយជាតារា K-pop តារារ៉េប Lisa ធ្លាប់សម្ដែងក្នុងរឿងភាគថៃ

ប្រិយមិត្តមួយចំនួនប្រហែលពុំធ្លាប់ដឹងឡើយថា តារាស្រីលំដាប់ពិភពលោក Lalisa Manoban សមាជិកក្រុម BLACKPINK មិនមែនចេះតែច្រៀង រ៉េប និងរាំប៉ុណ្ណោះទេ តាមពិតនាងធ្លាប់សម្ដែងក្នុងរឿងភាគថៃ មុនពេលបង្ហាញខ្លួនជាតារា K-POP ក្នុងឆ្នាំ ២០១៦។

ថ្មីៗនេះ ម្តាយរបស់ Lisa អ្នកស្រី Chitthip Breichweiler ទើបបានបង្ហោះឃ្លីបខ្លីមួយនៅលើ Story IG របស់គាត់ ដែលបង្ហាញថា Lisa ធ្លាប់លេចមុខសម្ដែងក្នុងរឿងភាគថៃ កាលពីនាងនៅក្មេង ដែលរឿងមួយនោះជារឿងភាគដំបូងបំផុតរបស់នាង។

ក្រោយពេលម្ដាយ Lisa ទម្លាយឃ្លីបហើយ អ្នកគាំទ្រនាំគ្នារុករកសាច់រឿងដើម ទើបគេរកឃើញថា ​រឿង​ភាគដំបូង​ដែល Lisa ធ្លាប់ដើរតួ​ជា​រឿង​ភាគដែលមានចំណងជើងថា “Princess Beggar” ។ រឿងនេះបានចាក់បញ្ចាំងនៅលើប៉ុស្តិ៍លេខ ៣ កំលុងឆ្នាំ២០០៧ ដែលតួឯកប្រុសកាលណោះគឺលោក Ta Warit និងតួឯកស្រីគឺអ្នកនាង Namfon Patcharin ។

បន្ទាប់វីដេអូខ្លីបន្តផ្សព្វផ្សាយយ៉ាងផុសផុល មហាជនជាច្រើនដែលបានឃើញវានាំគ្នាសរសើរ Lisa គ្រប់គ្នាថា នាងមានទេពកោសល្យមិនធម្មតា ហើយពិតជាមានប្រជាប្រិយភាពតាំងពីក្មេង៕

ប្រែសម្រួល៖ សន្យា

ចុចអាន៖ សមាជិក BTS ទាំងអស់នឹងបន្តកុងត្រាជាមួយ HYBE ខណៈ Suga ចូលបំពេញកាតព្វកិច្ចយោធាចុងសប្ដាហ៍នេះ

ចុចអាន៖ ប្រព័ន្ធផ្សព្វផ្សាយមួយរាយការណ៍ថា Lisa ទំនងចុះកុងត្រាជាមួយទីភ្នាក់ងារអាមេរិក