ថ្មីៗនេះឃើញសន្ទុះ ជីដេវីត និងបូព្រឹក្ស មមាញឹកខ្លាំងក្នុងការចូលរួមកម្មវិធី Fashion Week លំដាប់ថ្នាក់ពិភពលោកនៅទ្វីបអឺរ៉ុប

ថ្មីៗនេះ G-Devith និង ទេព បូព្រឹក្សបានចូលរួមកម្មវិធី Fashion Week ពីរដងផ្ទួនៗគ្នាគឺ Brand “D&G” នៅទីក្រុង Milan ប្រទេស Italy កាលពីសប្តាហ៍មុន និង Fashion week របស់ Brand “Elie Saab” ដែលធ្វើឡើងនៅទីក្រុង Paris ប្រទេសបារាំងកាលពីម្សិលមិញនេះ។

កម្មវិធី Fashion Week របស់ “Elie Saab” គឺធ្វើឡើងនៅថ្ញៃទី ៣០ កញ្ញា នៅទីក្រុងប៉ារីស ប្រទេសបារាំងហើយ​ក៏ឃើញមានវត្តមានអ្នកអភិជន និងតារាអន្តរជាតិល្បីៗជាច្រើនរូបទៀតបានអញ្ជើញចូលរួមក្នុងកម្មវិធីមួយនេះ។

តារាអន្តរជាតិដែលបានចូលរួមមានដូចជា Michele Morrone ជាតួឯកប្រុសក្នុងរឿង 366 ថ្ងៃ Lucy Hale ជាតួឯកស្រីក្នុងរឿងភាគ “Pretty Liars” ដែលចាក់ផ្សាយលើ Freeform និង Netflix ហើយក័មានវត្តមានតារាសម្តែងអន្តរជាតិ ជនជាតិចិន Gong Jun ជាដើម។

គួរបញ្ចាក់អោយដឹងផងដែរថា កម្មវិធី fashion week ដែលធ្វើឡើងបែបនេះគឺជាកម្មវិធីអញ្ជើញចូលរួមបែប VIP ពី Brand អន្តរជាតិធំៗផ្ទាល់ ដែលភាគច្រើនមានវត្តមានពី មហាសេដ្ឋីលំដាប់ពិភពលោក អ្នកអភិជន និង តារាអន្តរជាតិក្នុងគោលបំណាងបង្ហាញ Fashion ថ្មីៗដែលនឹងពេញនិយមនៅថ្ញៃអនាគត។