ជីវិតកម្សាន្ដ

ក្ដៅៗ! លោក ហេង ឡុង ស្នើឲ្យមានចំណាត់ការលើក្រុមអ្នកលក់ online ពង្រីកដើមទ្រូងនិងសិចស៊ី

បានផុស

៥ years មុន

នៅ

ថ្ងៃអង្គារ ៩ កុម្ភៈ ២០២១

ដោយ

ដោយមើលឃើញពីទង្វើដ៏គឃ្លើននិងអសីលធម៌សង្គមរបស់បុគ្គលមួយចំនួននោះ ប្រធានសមាគមមិត្តសិល្បៈស្ម័គ្រចិត្តជួយសង្គមលោក ហេង ឡុង បានប្រតិកម្មនិងស្នើដល់ក្រសួងពាក់ព័ន្ធ ត្រូវចាត់វិធានការក្តៅចំពោះក្រុមនេះ ដែលបង្កសកម្មភាពនាំឲ្យប៉ះពាល់ទម្លាក់តម្លៃស្ត្រីខ្មែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកាសរបស់លោក ហេង ឡុង នេះដោយសង្កេតឃើញនាអំឡុងមួយរយៈពេលចុង ក្រោយនេះ គឺមានបុគ្គលមួយចំនួន តែងជ្រើសយកវិស័យអនឡាញជាគោលដៅសំខាន់ក្នុងការឡាយលក់ផលិតផលថែរក្សារសម្រស់និងផលិតផលផ្សេងៗជាដើម។ ជាក់ស្តែង គឺការឡាយលក់ ដែលមានចរិតសិចស៊ីសម្ញែងគល់ភ្លៅនិងសាច់ដើមទ្រូង ធ្វើឲ្យប៉ះពាល់តម្លៃសង្គមនិងភាពថ្លៃថ្នូររបស់ស្ត្រីខ្មែរ។ ក្រៅតែពីការស្នើសុំចំណាត់ការដល់ក្រសួងពាក់ព័ន្ធនេះដែរ លោក ហេង ឡុង ក៏បានប្រកាស ដោយអះអាងជំហរផ្ទាល់ខ្លួនថា ខ្លួនមិននៅស្ងៀមឬឱបដៃមើលនោះទេ ប្រសិនបើគ្មានចំណាត់ការលើអ្នកឡាយលក់onlineបែបសិចស៊ីនិងអសីលធម៌ទម្លាក់តម្លៃស្ត្រីខ្មែរ។ ពិសេសសំដៅចំពោះបុគ្គល ដែលឡាយលក់ផលិតផលពង្រីកសុដន់តាមអនឡាញមួយចំនួនតែម្តង។

ប្រធានសមាគមលោក ហេង ឡុង បានបញ្ជាក់ថា ខ្ញុំមិននៅស្ងៀមទេប្រសិនបើគ្មានចំណាត់ការលើអ្នកឡាយលក់onlineបែបសិចស៊ី និងអសីលធម៌ទម្លាក់តម្លៃស្ត្រីខ្មែរ។ លោកថា ការឡាយលក់ផលិតផលពង្រីកសុដន់តាមអនឡាញមួយចំនួន ធ្វើឲ្យប៉ះពាល់សីលធម៌សង្គមតម្លៃស្ត្រីធ្លាក់ចុះ សំណូមពរឲ្យក្រសួងពាក់ព័ន្ធចាត់វិធានការបង្ក្រាប។ តាមរយៈនេះដែរ បានធ្វើឲ្យមហាជនជាច្រើនបានសម្តែងការគាំទ្រលោក ហេង ឡុង គ្រប់គ្នា។

គួររម្លឹកថា សម្តេចតេជោ ហ៊ុន សែន ក៏ធ្លាប់បានមានប្រសាសន៍ម្តងរួចមកហើយ ទាក់ទងទៅនឹងអ្នកលក់ឡេ ដែលស្លៀកពាក់សិចស៊ី ដោយតម្រូវឲ្យបញ្ឈប់សកម្មភាពបែបនេះ ព្រោះបានប៉ះពាល់ដល់កិត្តិយស និង សេចក្តីថ្លៃថ្នូររបស់ស្ត្រីខ្មែរ ផងដែរ៕

អត្ថបទ៖ ចាន់រ៉ា

សូមចុចអាន៖ ហេង ឡុង ៖ ការស៊ែរ ឬ យកវីដេអូដែលជាន់ពន្លិចអរិយធម៌ខ្មែរផុសតាមបណ្ដាញសង្គមគឺជាការចូល រួមគាំទ្រអំពើខុសច្បាប់