ជីវិតកម្សាន្ដ

ពេជ្រ ចរណៃ ស្នើឲ្យមានថ្នាក់បង្រៀនគុន”ល្បុក្កតោខ្មែរ” ក្នុងម៉ោងសិក្សា

បានផុស

២ years មុន

នៅ

ថ្ងៃពុធ ១៣ ធ្នូ ២០២៣

ដោយ

អ្នកស្នេហាវិស័យភាពយន្ត និងគុនល្បុក្កតោខ្មែរ ពិតជាស្គាល់ច្បាស់តារាសម្តែងស្រីរូបស្រស់កញ្ញា ពេជ្រ ចរណៃ ដែលកន្លងមកនាងតែងតែបង្ហាញវត្តមានក្នុងតួអង្គវាយទាត់ធាត់តាមរយៈខ្សែភាពយន្តខ្មែរស្ទើរគ្រប់រឿង ពិសេសការចូលរួមលើកស្ទួយវិស័យល្បុក្កតោតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណា តារាសម្តែង និងគ្រូគុនល្បុក្កតោ ពេជ្រ ចរណៃ ក៏បានបង្ហាញពីបំណងចង់ឲ្យមានថ្នាក់បង្រៀនគុន”ល្បុក្កតោខ្មែរ” ក្នុងម៉ោងសិក្សាសម្រាប់សិស្សានុសិស្សនៅតាមសាលារៀនទូទាំងប្រទេសផងដែរ ដើម្បីជាការចូលរួមថែរក្សាអភិរក្សក្បាច់គុនបុរាណ”ល្បុក្កតោខ្មែរ”។

បើតាមរយៈការបង្ហោះនៅលើផេកហ្វេសប៊ុក តារាស្រីកញ្ញា ពេជ្រ ចរណៃ បានបញ្ចេញខ្លឹមសារខ្លីថា”ខ្ញុំចង់ឲ្យមានថ្នាក់បង្រៀនគុន”ល្បុក្កតោខ្មែរ” ក្នុងម៉ោងសិក្សា តើបងប្អូនគិតយ៉ាងណាដែរ គាំទ្រដែរឬទេ?”។ ជាការលើកឡើងបែបនេះ គេឃើញទស្សនិកជនមួយចំនួនបានបង្ហាញការគាំទ្រ និងស្នើឲ្យមានការដាក់បញ្ចូលគុនល្បុក្កតោសម្រាប់ម៉ោងសិក្សានៅតាមថ្នាក់រៀនផងដែរ។

កន្លងមក ទស្សនិកជន និងអ្នកគាំទ្រ កត់សម្គាល់ឃើញថា កញ្ញា ពេជ្រ ចរណៃ តែងបង្ហាញខ្លួនជាមួយកិច្ចការងារជួយសង្គមជាច្រើនផងដែរ ដោយកាលនោះ នាង បានរំលេចខ្លួនចុះជួយប្រជាពលរដ្ឋជួបការខ្វះខាត កុមារកំព្រា ចាស់ជរា ជាដើម…។

ប្រាកដណាស់ នាថ្មីៗ កន្លងមកនេះ តារាសម្តែង កញ្ញា ពេជ្រ ចរណៃ តែងបានចេញមុខបំផុសដល់យុវជនឲ្យចូលរួមលើកស្ទួយ និងបង្ហាញសិល្បៈវប្បធម៌របស់ខ្មែរទៅកាន់ពិភពលោកតាមរយៈសកម្មភាពនានាដូចជា ៖ ការបង្ហាញក្បាច់គុនល្បុក្កតោ,ល្ខោនខោល និងបង្ហោះរូបភាពស្លៀកពាក់សំលៀកបំពាក់បុរាណខ្មែរជាដើម៕

អត្ថបទ ៖ ចាន់រ៉ា