ជីវិតកម្សាន្ដ

ចំពេលមានការស៊ើបអង្កេតគ្រឿងញៀន Lee Sun Gyun បែរប្រទះឃើញដេកស្លាប់ក្នុងរថយន្តកាលពីព្រឹកមិញ

បានផុស

២ years មុន

នៅ

ថ្ងៃពុធ ២៧ ធ្នូ ២០២៣

ដោយ

តារាសម្តែង Lee Sun Gyun និងជាតួប្រុសក្នុងភាពយន្ត Parasite ដែលឈ្នះពានរង្វាន់ Oscar កំពុងស្ថិតក្រោមការស៊ើបអង្កេតរបស់ប៉ូលិសពីបទសង្ស័យប្រើប្រាស់គ្រឿងញៀន ឥឡូវនេះត្រូវបានគេរាយការណ៍ថា លោកបែរជាទទួលមរណភាពនៅព្រឹកនេះទៅវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប៉ូលិស និងអាជ្ញាធរពន្លត់អគ្គីភ័យបានបញ្ចាក់ឲ្យដឹងថា Lee Sun Gyun ត្រូវបានគេប្រទះឃើញសន្លប់នៅក្នុងរថយន្តរបស់គាត់ នៅជិត Waryong Park ក្នុងតំបន់ Jongno-gu ទីក្រុងសេអ៊ូល ប្រហែលម៉ោង ១០:៣០នាទី ព្រឹក។

Lee Sun Gyun ត្រូវបានស្ថិតក្រោមការស៊ើបអង្កេតចាប់តាំងពីខែតុលា ពីបទប្រើប្រាស់គ្រឿងញៀន ហើយលោកក៏ធ្លាប់ចេញមុខបដិសេធការចោទប្រកាន់នេះ។ ចំពេលការស៊ើបអង្កេតដែលកំពុងបន្ត តារាសម្ដែងរូបនេះ បានស្នើសុំការធ្វើតេស្ត polygraph ពីប៉ូលិសកាលពីម្សិលមិញ។

ដោយឡែក នៅថ្ងៃទី ២៣ ក្នុងអំឡុងពេលការកោះហៅរបស់ប៉ូលិសជាលើកទី ៣ តារាសម្ដែង Lee Sun Gyun បាននិយាយយ៉ាងដាច់អហង្កការថា “ខ្ញុំសង្ឃឹមថាប៉ូលិសនឹងវិនិច្ឆ័យដោយយុត្តិធម៌ថា តើនរណារវាងខ្ញុំនិងអ្នកបោកប្រាស់ដែលមានភាពជឿជាក់នៅក្នុងសេចក្តីថ្លែងការណ៍របស់ពួកគេ” ។

យ៉ាងណាក៏ដោយ ជារឿងសោកស្ដាយក្នុងវិស័យភាពយន្តកូរ៉េខាងត្បូង តារាសម្ដែងរូបនេះបែរជាត្រូវគេប្រទះឃើញដេកស្លាប់ក្នុងរថយន្តផ្ទាល់ខ្លួនរបស់លោកទៅវិញ។ ចំពោះមូលហេតុនៃការស្លាប់របស់ Lee Sun Gyun មិនទាន់ត្រូវបានគេដឹងនូវឡើយទេ ខណៈដែលដែលគេសង្ស័យថា លោកអាចច្រឡំសារធាតុ Snorted ជាថ្នាំងងុយគេង៕