ជីវិតកម្សាន្ដ

អ្នកគាំទ្រសង្ស័យ ក្រោយបុរសម្នាក់លេចមុខក្នុង MV របស់ Lisa កាលថ្ងៃបុណ្យណូអែល

បានផុស

២ years មុន

នៅ

ថ្ងៃពុធ ២៧ ធ្នូ ២០២៣

ដោយ

Lisa សមាជិកក្រុម BLACKPINK ចេញបទចម្រៀងអបអរបុណ្យណូអែលរបស់តារាចម្រៀង Britney Spears ស្របពេលដែលអ្នកទស្សនាចាប់អារម្មណ៍មើលឃើញបុរសវ័យក្មេងអាថ៌កំបាំងម្នាក់ បង្ហាញខ្លួននៅពាក់កណ្តាល MV ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីប៉ុន្មានថ្ងៃមុន Lisa បានទម្លាក់នូវបទចម្រៀងដើម្បីបង្ហាញពីអារម្មណ៍នៅថ្ងៃដ៏រីករាយ ជាពិសេសស្វាគមន៍បុណ្យណូអែលជាមួយនឹងបទចម្រៀងមានចំណងជើងថា My Only Wish ជាសំនៀងដើមរបស់ Britney Spears តាមរយៈ YouTube Channel ឈ្មោះថា Lilifilm Official ។

លើសពីនេះទៀតសោត បទចម្រៀង My Only Wish ដែលច្រៀងឡើងវិញដោយសមាជិកក្រុម BLACKPINK បានបង្កើតភាពរំភើបជាងពេលមុនទៅទៀត។ ព្រោះនេះជាបទដំបូងដែល Lisa បញ្ចេញសំឡេងច្រើន និងពេញទំហឹង។ ក្នុងនោះអ្នកគាំទ្របានសាទរនិងមានក្ដីរីករាយដែលនាងលើកបទមួយនេះមកបកស្រាយយ៉ាងមានអត្ថន័យ។

ទោះជាយ៉ាងណា មិនត្រឹមតែបទចម្រៀងដ៏ពិរោះមួយមុខនោះទេ ទស្សនិកជនដែលបានទស្សនាហាក់មានការចាប់អារម្មណ៍យ៉ាងខ្លាំងនៅពាកកណ្ដាលបទចម្រៀងត្រង់ឃ្លាថា “Santa, can you hear me?” រូបភាពពីវីដេអូតន្ត្រីបានលេចចេញមកឲ្យឃើញស្រមោលបុរសអង្គុយក្បែរនារីម្នាក់ ដែលមនុស្សជាច្រើនបានពង្រីក រួមជាមួយនឹងការទស្សន៍ទាយរូបរាង គឺស្រដៀងទៅនឹង Frédéric Arnault ដែលជាអ្នកស្នងមរតករបស់ LVMH និងតែងតែងលេចឮនូវពាក្យចចាមអារ៉ាមជាមួយ Lisa ជានិច្ច។

**ស្រមោលបុរសក្នុង MV ដែលអ្នកគាំទ្រគិតថាជាកូនម្ចាស់ប្រេន LV**

លើសពីនេះទៀតនៅចុងបញ្ចប់មានឈុតមួយ ដែលមនុស្សប្រុសអាថ៌កំបាំងដដែលប្រគល់នូវផ្កាកុលាបក្រហមមួយទង់ឲ្យ Lisa ក្នុងពេលនាងនាងទទួលយកដោយស្នាមញញឹមនៃសុភមង្គលដូចមនុស្សមានស្នេហាពិតប្រាកដ។

**ឈុតដែល Lisa ទទួលផ្កាកុលាបពីបុរសអាថ៌កំបាំង**

យ៉ាងណាមិញ តាមរយៈវីដេអូចម្រៀងដែលអ្នកគាំទ្របានទស្សនា វាត្រឹមតែជាការសន្ធិដ្ធានតែប៉ុណ្ណោះ! ប៉ុន្តែយ៉ាងណាណាក្ដី ទស្សនិកជននៅតែទន្ទឹងចិត្តថាថ្ងៃណាមួយទាំង Lisa និង Frédéric Arnault អាចនឹងទម្លាយការពិតមួយនោះប្រាប់អ្នកគាំទ្រទាំងពិភពលោក នៅថ្ងៃណាមួយជាក់ជាមិនខាន៕

អត្ថបទ៖ សាង ស្រីល័ក្ខ

ចុចអាន៖ឧស្សាហកម្មកម្សាន្តកូរ៉េខាងត្បូង កាន់ទុក្ខការបាត់បង់តារាសម្ដែង Lee Sun Gyun