ជីវិតកម្សាន្ដ

តារាជើងចាស់ ច័ន្ទ តារាទី ហួសចិត្តអ្នកសិល្បៈសម័យនេះភាគច្រើនរាប់អានដើម្បីលាភសក្ការៈ

បានផុស

៣ years មុន

នៅ

ថ្ងៃសុក្រ ២៩ ធ្នូ ២០២៣

ដោយ

តារាសម្ដែងជើងចាស់អ្នកស្រី ច័ន្ទ តារាទី បង្ហាញនូវអារម្មណ៍ហួសចិត្តចំពោះអ្នកសិល្បៈមួយចំនួនសម័យបច្ចុប្បន្ន ខណៈអ្នកស្រីមើលឃើញថា តារាសិល្បៈខ្មែរមួយចំនួនគឺពូកែសម្តែងចូលចិត្តការអែបអបដើម្បីលាភសក្ការៈដោយបក្សពួកនិយមជាដើម ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈកិច្ច សម្ភាសន៍មួយកាលពីថ្មីៗកន្លងមកនេះតារាភាពយន្តទសវត្សរ៍ឆ្នាំ៨០-៩០ អ្នកស្រី ច័ន្ទ តារាទី បានរៀបរាប់ទាំងហួសចិត្តថា មនុស្សសម័យឥឡូវគេរាប់អានសុទ្ធមើលបំណាំគ្នាបើសិនឃើញនរណាម្នាក់មានជីវភាពធូរធារហ៊ឺហា គឺមិនខ្វះទេអ្នកទៅអែបអប ។ ម្យ៉ាងទៀតបើមានកម្មវិធីអ្វីមួយនោះ ក៏មិនខ្វះអ្នកទៅចូលរួមហែរហមអមដំណើរដែរ ប៉ុន្តែប្រសិនគ្នាជាអ្នកខ្វះខាតមិនសូវមានគេរាប់រកឡើយ។

ក្នុងនោះអ្នកនាង ច័ន្ទ តារាទី បាននិយាយដោយលើកពីរឿងជាក់ស្តែងរបស់តារារួមជំនាន់លោក ពេជ្រ ភារុន ដែរថា ថ្ងៃបុណ្យសព្វគឺពុំសូវមានតារាសិល្បៈណាទៅចូលរួមច្រើនទេតែបើរឿងអែបអបដើម្បើបានផលប្រយោជន៍ ឬលាភសក្ការៈមកវិញមិនចេះខ្វះទេនាំគ្នាសម្រុកទៅតែម្តង។

សូមបញ្ជាក់ថា តារាសម្តែងជើងចាស់អ្នកស្រី ច័ន្ទ តារាទី កាលពីថ្មីៗធ្លាប់បានបង្ហាញបំណងដ៏គួរឲ្យ ភ្ញាក់ ផ្អើលមួយដោយអ្នកស្រីចង់វិលត្រឡប់ទៅរស់នៅស្រុកកំណើតវិញបន្ទាប់ពីអ្នកស្រីបានប្រឡូកក្នុងអាជីពសិល្បៈយ៉ាងជោកជាំគឺមានរយៈពេលយូឆ្នាំកន្លងទៅនេះ។

ជាការពិតណាស់អ្នកស្រី ច័ន្ទ តារាទី គឺតារាសម្តែងភាពយន្តជើងចាស់ល្បីឈ្មោះ និងមានភាពលេចធ្លោខ្លាំងលើវិថីសិល្បៈនាអំឡុងក្នុងទសវត្សរ៍ឆ្នាំ៨០ និង៩០ រួមជំនាន់ជាមួយតារាសម្តែងលោក ទេព រិន្ទដារ៉ូ ដែលជាដៃគូសម្ដែងដ៏ស័ក្ដិសមបំផុតនាសម័យនោះ។ គិតរហូតមកទល់បច្ចុប្បន្ននេះសម្រាប់តារាសម្ដែងជើងចាស់ ច័ន្ទ តារាទី បានប្រឡូកក្នុងវិស័យសិល្បៈមានរយៈពេលជាង ៤៣ឆ្នាំហើយខណៈទីផ្សារសម្ដែងនៅតែរក្សាបានការគាំទ្រខ្ពស់មិនមានការចុះថមថយឡើយ៕

អត្ថបទ៖ ចាន់រ៉ា