ជីវិតកម្សាន្ដ

សុខៗ Gong Yoo លុបរូបភាពទាំងអស់លើ IG ផ្ទាល់ខ្លួន

បានផុស

២ years មុន

នៅ

ថ្ងៃពុធ ៣ មករា ២០២៤

ដោយ

Gong Yoo ធ្វើឲ្យអ្នកគាំទ្រភ្ញាក់ផ្អើលយ៉ាងខ្លាំង បន្ទាប់ពីរូបលោកបានសម្រេចចិត្តលុបរូបថតទាំងអស់នៅលើ Instagram ផ្ទាល់ខ្លួន។ ក្រោយមកតារាកូរ៉េរូបនេះបានទម្លាយពីមូលហេតុដែលលោកសម្រេចលុបចោលរូបទាំងនោះដោយទុកតែប៉ុន្មានសន្លឹកប៉ុណ្ណោះ។

កាលពីពេលថ្មីៗនេះផងដែរ តួឯកប្រុសក្នុងរឿង “Train to Busan” បានធ្វើឲ្យអ្នកគាំទ្រជុំវិញពិភពលោកមានការភ្ញាក់ផ្អើលនិងងឿងឆ្ងល់យ៉ាងខ្លាំងថា តើមានអ្វីកើតឡើងចំពោះតារាកូរ៉េខាងត្បូង Gong Yoo ខណៈដែលរូបភាពដែលគាត់បានបង្ហោះនៅលើ Instagram ផ្ទាល់ខ្លួនមានឈ្មោះថា gongyoo_official និងមានអ្នកគាំទ្រជាង ៤.១លាននាក់កន្លងមក នៅសុខៗបែរជាត្រូវបានលុបចោល ដោយបន្សល់ទុកតែ២សន្លឹកប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈរូបភាពរបស់ Gong Yoo ក្នុងឈុតជាមួយនឹងស្នាមញញឹមដ៏មានមន្តស្នេហ៍ និងរូបភាពនៃផ្ទៃខាងក្រោយខ្មៅដែលគាត់បានបង្ហោះដើម្បីចូលរួមរំលែកទុក្ខចំពោះតែតារាសម្តែងប្រុស Lee Sun Kyun ប៉ុណ្ណោះ។

នៅពីក្រោយការសង្ស័យជាច្រើន ទស្សនិកជនបានរង់ចាំការបកស្រាយលម្អិតពីតារាប្រុស Gong Yoo ដោយបង្អង់យូររូបលោកបានទម្លាយការពិតពីមូលហេតុសម្រេចចិត្តលុបរូបភាពចោលថា “ចាប់ពីពេលនេះតទៅ ខ្ញុំនឹងមិនបង្ហោះរូបថតសកម្មភាពផ្ទាល់ខ្លួនដូចធម្មតានៅលើ IG ទេ។ វានឹងត្រូវបានបង្ហោះតែអំពីការងារប៉ុណ្ណោះ ហើយទុកឲ្យភ្នាក់ងារផ្ទាល់ខ្លួនជាអ្នកដោះស្រាយតាមបំណងតាំងពីដើមមក”។

ទោះយ៉ាងណាក៏ដោយ បន្ទាប់ពីអ្នកគាំទ្របានដឹងរឿងរ៉ាវនៅពីក្រោយការសម្រេចចិត្តរបស់ Gong Yoo ហើយ ម្នាក់ៗបានសម្ដែងការខកចិត្ត ប៉ុន្តែក៏នៅតែមានមនុស្សមួយចំនួនធំគោរពលើការសម្រេចចិត្តរបស់លោកដដែល។ ស្របពេលដែលហ្វេនបញ្ចេញមតិថា ពីពេលនេះតទៅ ពួកគេលែងបានឃើញរូបភាពបែបឯកជនរបស់លោកទៀតហើយ។

សូមរម្លឹកដែរថា Gong Yoo បានសម្រេចបើក Instagram ផ្ទាល់ខ្លួនកាលពីឆ្នាំ២០២១ ដែលកាលណោះ បានធ្វើឲ្យអ្នកគាំទ្រសប្បាយចិត្តយ៉ាងខ្លាំង ហើយម្នាក់ៗសម្រុកចូលទៅ Follow បុរសម្នាក់នេះយ៉ាងគគ្រឹកគគ្រេង សឹងមិនជឿថាទោះបីជាឈានដល់វ័យជ្រេយ៉ាងណា តែកេរ្ត៍ឈ្មោះនិងភាពសង្ហារបស់លោកនៅតែសាយភាយពេញពិភពលោក៕