ជីវិតកម្សាន្ដ

ខេម និង តង់ ចន្ទសីម៉ា បង្កើតអាល់ប៊ុមថ្មី បន្ទាប់ពីផ្ទុះបទ “ចង់សុំwifi” ដែលមានអ្នកទស្សនារហូត ២៩លានដង

បានផុស

៤ years មុន

នៅ

ថ្ងៃសុក្រ ១២ កុម្ភៈ ២០២១

ដោយ

បន្ទាប់ពីនាំ តន់ ចន្ទសីម៉ា និង ព្រាប សុវត្ថិ វាយលុកតំបន់ភាគឦសាន ឥឡូវនេះផលិតកម្ម Galaxy Navatra បានងាកមកតំបន់ឋានសួគ៌បូកគោវិញម្ដង ដោយទើបចេញបទថ្មីប្រមាណ១ម៉ោង មុននេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បទថ្មីនេះ មានចំណងជើងថា “ចង់បបួលអូនឡើងឋានសួគ៌” ។ កន្លងមកគ្រាប់ពេជ្ររបស់ ផលិតកម្ម Galaxy Navatra ទាំងពីររូបនេះ ធ្លាប់បានសាងប្រវត្តិសាស្ត្រជាមួយគ្នាម្ដងមកហើយលើ បទ”ចង់សុំwifi “ដែលមានអ្នកទស្សនាជិត៣០លានដង។ ដូចគ្នានឹងស៊េរីបទអបអរបុណ្យចូល ឆ្នាំប្រពៃណីជាតិរបស់ ព្រាប សុវត្ថិ និង សីម៉ា ដែលបានបង្ហាញសក្ដានុពលទេសចរណ៍របស់ ខេត្តស្ថិតនៅភូមិភាគឦសាន ដោយបទថ្មីនេះ ខាងផលិតកម្មបានងាកមកបង្ហាញពីទិដ្ឋភាព ដ៏ ល្អប្រណិតនៃតំបន់ជួរភ្នំបូកគោ ដ៏ល្បីរបស់ខេត្តកំពតវិញម្ដង។

ប្រិយមិត្តបានសរសើរថា វីដេអូចម្រៀងរបស់តារាប្រុសស្រីមួយគូនេះ បានបង្ហាញយ៉ាងពិសេស ទិដ្ឋភាពដ៏ស្អាតអស្ចារ្យឃើញហើយ មានអារម្មណ៍ជ្រះថ្លាល្អ ហើយងាកទៅបទភ្លេងទៀតសោត ក៏ពីរោះថែមទៀតផង។ បទនេះ ត្រូវបានគេរំពឹងថា នឹងផ្ទុះម្ដងទៀតបន្ទាប់ពីបទ “ចង់សុំWifi” ដែលពួកគេបានច្រៀងរួមគ្នាម្ដងកាលពីឆ្នាំមុន ដែលគិតមកដល់ពេលនេះ មានអ្នកចុចចូល ទស្សនាជិត៣០លានដងហើយ។