ផ្ទះដ៏ប្រណិតរបស់តួឯកប្រុសក្នុងរឿង “Iris” នៅអាមេរិក ត្រូវចោរចូលគាស់លួចទ្រព្យសម្បត្តិ

ប្រព័ន្ធផ្សព្វផ្សាយកម្សាន្តរបស់អាមេរិក TMZ បានរាយការណ៍កាលពីថ្ងៃទី ២៩ (ម៉ោងក្នុងតំបន់) ថា ក្រុមចោរបានចូលគាស់ផ្ទះរបស់តារាសម្ដែង Lee Byung-hun ក្នុងទីក្រុង Los Angeles ដោយវាយកម្ទេចទ្វារកញ្ចក់រអិល និងលួចទ្រព្យសម្បត្តិរបស់លោកខ្ទេចគ្មានសល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែយ៉ាងណាក៏ដោយ ជាសំណាងល្អតារាសម្ដែង Lee Byung-hun មិននៅផ្ទះអំឡុងពេលសម្រាក ខណៈដែលហេតុការណ៍នេះត្រូវបានរកឃើញដោយបុគ្គលិកនៃទីភ្នាក់ងាររបស់លោក​ ហើយប្រញាប់រាយការណ៍ទៅប៉ុស៍ប៉ូលិស។ ចំណែក​វត្ថុ​ពិតប្រាកដ​ដែល​ត្រូវ​បាន​គេ​លួច និង​ចំនួន​នៃ​ការ​បាត់​បង់​មិន​ទាន់​ត្រូវ​បាន​បញ្ជាក់​នៅឡើយ​ទេ ។

ក្រោយមក ប៉ូលិសបានដាក់ការសង្ស័យថា ឧបទ្ទវហេតុនេះគឺជាផ្នែកមួយនៃការលួចបន្លំជាបន្តបន្ទាប់​ ដែលផ្តោតលើសង្កាត់អ្នកមាននៅក្នុង Los Angeles ជាជាង ជាពិសេសសំដៅទៅផ្ទះរបស់ Lee Byung-hun នេះផ្ទាល់តែម្ដង។

យ៉ាងណាក៏ដោយ ទាក់ទិននឹងហេតុការណ៍អាក្រក់ដែលតារាប្រុស Lee Byung-hun ជួបប្រទះ ក្រុមប៉ូលិសនៅ LA កំពុងតែបន្តការស៊ើបអង្កេតរបស់ពួកគេ រហូតមកដល់ពេលនេះមិនទាន់មានការចាប់ខ្លួនបាននូវឡើយទេ។

គួរកត់សម្គាល់ដែរថា កន្លងមក តារាសម្តែងស្រី Lena Waithe ដែលរស់នៅក្បែរនោះ ក៏ធ្លាប់ជួបប្រទះនឹងហេតុការណ៍អាក្រក់នេះ ក្នុងពេលដែលចោរបានមសម្រុកចូលលួចគ្រឿងអលង្ការ ដែលនាងបាត់បង់គ្រឿងអលង្ការសរុបជាងតម្លៃ ២០០,០០០ដុល្លារ (ប្រហែល ២៦៧.៤ លានវ៉ុន)។

សូមជម្រាបដែលថា Lee Byung-hun គឺជាតួឯកប្រុសក្នុងរឿង Iris វគ្កមួយ ជំនាន់ឆ្នាំ២០០៩ កាលណោះភាពយន្តមួយនេះទទួលបានការគាំទ្រយ៉ាងភ្លូកទឹកភ្លូកដីពីសំណាក់អ្នកគាំទ្រ​ និងមហាជនទូទាំងពិភពលោក។ លើសពីនេះទៀតនោះ រឿងភាគរបស់កូរ៉េខាងត្បូងនេះ ក៏ធ្លាប់ថតនៅក្នុងប្រទេសកម្ពុជាដែលទីតាំងស្ថិតនៅទឹកដីនៃខេត្តសៀមរាបផងដែរ៕

អត្ថបទ៖ សាង ស្រីល័ក្ខ

ចុចអាន៖អតីតបវកញ្ញា MIG ស្ថិត​ក្នុង​កំពូល​សិល្បករ ​មាន​ឥទ្ធិពល​បំផុត​ទាំង ១០ លើបណ្ដាញសង្គម