ជីវិតកម្សាន្ដ

ម្ចាស់មកុដ Miss Universe 2021 ងិន ម៉ារ៉ាឌី អន់ចិត្តមិនមានឈ្មោះទទួលគ្រឿងឥស្សរិយយស

បានផុស

២ ខែ មុន

នៅ

ថ្ងៃអង្គារ ២៣ មេសា ២០២៤

ដោយ

អ្នកនាង ងិន ម៉ារីឌី ដែលជាម្ចាស់មកុដ Miss Universe Cambodia 2021 បានបង្ហាញអារម្មណ៍ខកចិត្តជាខ្លាំង ខណៈដែលនាងពុំមានឈ្មោះដើម្បីទទួលគ្រឿងឥស្សរិយយសដូចសិល្បករ-សិល្បការិនី ដទៃទៀតដែលពួកគេមានឈ្មោះទទួលបានគ្រឿងឥស្សរិយយសនាពេលឆាប់ៗខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាង ងិន ម៉ារ៉ាឌី បានរៀបរាប់ខ្លឹមសារទាំងក្តីហួសចិត្តថា នាងក៏ជាសិល្បការិនីម្នាក់ដែលធ្លាប់តំណាងប្រទេសកម្ពុជាទៅលើឆាកអន្តជាតិដែរ ប៉ុន្តែហេតុអ្វីបាន ជាមិនមានឈ្មោះទទួលគ្រឿងឥស្សរិយយស ឬមួយ មកពីគេមើលមិនឃើញតម្លៃរបស់នាងទើបអ្នកដែលរៀបចំឈ្មោះទៅថ្នាក់លើមើលមិនស្គាល់នាងសោះតែម្តង។

ម្ចាស់មកុដ Miss Universe Cambodia 2021 រូបនេះបានលើកឡើថា “ខ្ញុំមិនយល់ក្នុងនាមខ្ញុំជា Miss universe Cambodia 2021 ម្នាក់ដែរហើយក៏បានតំណាងប្រទេសកម្ពុជាទៅលើឆាកអន្តជាតិដូចបងៗក្នុងក្រុមខ្ញុំដែរ តើមូលហេតុអី្វបានជាខ្ញុំមិនទទួលបានគ្រឿងឥស្សរិយយសដូចគេ?តើខ្ញុំមានចំណុចអន់ត្រង់ណា ឬមួយក៏អស់លោកអ្នកដែលបញ្ចូនឈ្មោះទៅថ្នាក់លើមិនបានស្គាល់ខ្ញុំ? okយល់គ្រប់ យ៉ាង“។

ទោះបីជាយ៉ាងណាក្រោយការទម្លាយអារម្មណ៍របស់អ្នកនាង ងិន ម៉ារ៉ាឌី ខាងលើនេះក៏មានការបញ្ចេញមតិលើកទឹកចិត្តពីសំណាក់អ្នកគាំទ្រនាងមួយចំនួនផងដែរ។

សូមជម្រាបថា នៅថ្ងៃទី២៥ ខែមេសា ឆ្នាំ២០២៤ ខាងមុខនេះ នឹងមានការរៀបចំពិធីជួបជុំ “ពិសាអាហារសាមគ្គី និងបំពាក់គ្រឿងឥស្សរិយយសជូនលោកគ្រូ អ្នកគ្រូ និងសិល្បករ-សិល្បការិនី ដែលមានស្នាដៃល្អឆ្នើម ដែលនឹងប្រព្រឹត្តទៅនាមណ្ឌលសន្និបាត និងពិព័រណ៌កោះពេជ្រ៕

អត្ថបទ៖ ចាន់រ៉ា