ជោគជ័យក្នុងរឿង “Queen of Tears” តែ Park Sung Hoon បែរក្លាយជាតួសម្អប់ គ្មានពាណិជ្ជកម្ម​ចង់បាន

តារាសម្ដែងកូរ៉េខាងត្បូង Park Sung Hoon បានបង្ហើបថា ទោះបីជាទទួលបានជោគជ័យក្នុងរឿងភាគទូរទស្សន៍ “Queen of Tears” ក៏ដោយ ក៏លោកមិនបានទទួលកិច្ចសន្យាផ្សាយពាណិជ្ជកម្មណាមួយដែរ ដោយសារការសម្ដែងជាតួអង្គស្អប់របស់ទស្សនិកជន។

យោងតាម TVreport ក្នុងអំឡុងពេលបង្ហាញខ្លួនក្នុងកម្មវិធីជជែកកំសាន្ត “You Quiz On The Block” កាលពីដើមខែនេះ Park Sung Hoon បានពិភាក្សាអំពីបញ្ហាប្រឈមនៃការស្វែងរកភាពជោគជ័យតាមរយៈតួនាទីមនុស្សអាក្រក់ រួមទាំងតួនាទីរបស់គាត់នៅក្នុងរឿងភាគទូរទស្សន៍ “Queen of Tears” ផងដែរ។ គាត់​បាន​រៀបរាប់​ពី​ឧប្បត្តិហេតុ​ថ្មី​មួយ​ដែល​អ្នក​មើល​ស្រី​វ័យ​កណ្តាល​ម្នាក់​វាយ​កណ្ដាលខ្នងគាត់នៅ​ភោជនីយដ្ឋាន​មួយ ហើយ​ប្រាប់​គាត់​ថា​ ចេញ​ពី​ទីនេះ​ទៅ!

ក្នុង​កម្មវិធី​ជប់លៀង​អបអរ​រឿង​ភាគ​នេះផងដែរ Park Sung Hoon បាននិយាយថា “មនុស្ស​ប្រហែល​ជា​ស្អប់ Yoon Eun Seong ប៉ុន្តែ​សូម​កុំ​រិះគន់​ខ្ញុំ”។

ក្នុងកម្មវិធីនោះ Park Sung Hoon ក៏បានច្រានចោលពាក្យចចាមអារ៉ាមអំពីប្រវត្តិគ្រួសារអ្នកមានរផ្ទាល់ខ្លួន ដែលកើតឡើងពីការសម្ដែងជាញឹកញាប់អំពីតួអង្គអ្នកមាននៅក្នុងខ្សែភាពយន្ត។ គាត់បានពន្យល់ថា ឪពុករបស់គាត់បានធ្វើការនៅធនាគាររហូតដល់បាត់បង់ការងារក្នុងកំឡុងវិបត្តិហិរញ្ញវត្ថុអាស៊ីឆ្នាំ ១៩៩៧ ។ ក្រោយ​ពី​ដាច់​សរសៃ​ឈាម​ខួរក្បាល​ធ្វើ​ឲ្យគាត់​ខ្វិន ឪពុក​របស់​គាត់​បាន​សុំ​ជំនួយ​ក្នុង​ការ​ធ្វើ​សកម្មភាព​ប្រចាំ​ថ្ងៃ។ ទន្ទឹមនឹងនោះ ម្តាយធ្វើការជាឈ្មួញកណ្តាលអចលនៈទ្រព្យ ហើយនៅពេលដែលទីផ្សារជួបការលំបាក គ្រួសាររបស់គាត់ត្រូវជួលផ្ទះផ្ទាល់ខ្លួន។

Park Sung Hoon បានបង្ហើបថា ក្នុងអំឡុងឆ្នាំសិក្សារបស់គាត់ តារាសម្ដែងរូបនេះមិនបានទទួលប្រាក់ហោប៉ៅទេ ហើយធ្លាប់ត្រូវបានណែនាំដោយឪពុកម្តាយរបស់គាត់ ឲ្យចៀសវាងការឈប់សម្រាកពេលបម្រើយោធា ដើម្បីកាត់បន្ថយការចំណាយថែមទៀតផង។

បន្ទាប់ពីបានបញ្ចប់ការបម្រើយោធារបស់គាត់ក្នុងឆ្នាំ ២០០៨ Park Sung Hoon បានចាប់ផ្តើមធ្វើការជាមួយក្រុមល្ខោន ប៉ុន្តែបានតស៊ូដើម្បីធានាតួនាទី។ ក្នុងអំឡុងពេលនោះ គាត់រកបានត្រឹមតែ ៥០,០០០វ៉ុន (៣៧ ដុល្លារអាមេរិក) ក្នុងរយៈពេល ៩ ខែ ហើយត្រូវពឹងផ្អែកលើការងារក្រៅម៉ោងផ្សេងៗដើម្បីរកប្រាក់ចំណូល។ គាត់ និងមិត្តភ័ក្តិបានរស់នៅក្នុងផ្ទះពាក់កណ្តាលបន្ទប់ក្រោមដី ស្រដៀងនឹងផ្ទះដែលបានបង្ហាញនៅក្នុងខ្សែភាពយន្តកូរ៉េខាងត្បូង “Parasite” ដែលឈ្នះពានរង្វាន់អូស្ការ។ នៅរដូវវស្សា ពួកគេបានយកភួយមកត្រាំទឹកដែលលេចធ្លាយចូលកន្លែងជួលរបស់ពួកគេ ហើយរុំពួកគេចេញនៅពេលក្រោយ។

ថ្វីបើយ៉ាងណាក៏ដោយ បន្ទាប់ពី ១៦ឆ្នាំនៅក្នុងឧស្សាហកម្មនេះ ឥឡូវនេគាត់អះអាងថាបានសំរេចបានប្រហែល ៩០% នៃគោលដៅដំបូងរបស់គាត់ ហើយមានសមត្ថភាពផ្នែកហិរញ្ញវត្ថុក្នុងការជួយសមាជិកគ្រួសាររបស់គាត់។​​ តាម​រយៈ​រឿង “Queen of Tears” តារា​សម្ដែង​រូប​នេះ​នឹង​បង្ហាញ​ខ្លួន​ក្នុង​រដូវ​កាល​ទី​ពីរ​នៃ​រឿង “Squid Game”។

សូមជម្រាបជូនថា Park បានចាប់ផ្តើមអាជីពជាតួសម្តែង និងទទួលបានតួនាទីជាខ្សែភាពយន្តដំបូងនៅក្នុងឆ្នាំ ២០១៤ ជាមួយនឹងរឿងភាគរឿង “Three Days” របស់ទូរទស្សន៍កូរ៉េខាងត្បូង SBS ។ ទោះបីជាបានបង្ហាញខ្លួននៅក្នុងខ្សែភាពយន្តជាច្រើន ក្រោយមកក៏ដោយក៏គាត់ទទួលបានការទទួលស្គាល់យ៉ាងទូលំទូលាយតែបន្ទាប់ពីរឿង “The Glory” របស់ Netflix ឆ្នាំ ២០២២ ដែលធ្វើឲ្យកាត់ត្រូវបានតែងតាំងសម្រាប់តារាសម្តែងគាំទ្រល្អបំផុតនៅ Baeksang Arts Awards និង Blue Dragon Awards ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖Lee Jang Woo បង្ហើបគម្រោងចង់រៀប​ការ​ជាមួយ Jo Hye Won ក្រោយ​ទាក់ទង​គ្នា​ ៦ ឆ្នាំ