ជីវិតកម្សាន្ដ

Han So Hee បាត់បង់កិច្ចសន្យាផ្សាយពាណិជ្ជកម្មមួយទៀត

បានផុស

៤ សប្តាហ៍ មុន

នៅ

ថ្ងៃសុក្រ ២៤ ឧសភា ២០២៤

ដោយ

យោងតាមសារព័ត៌មាន Xports កាលពីថ្ងៃទី ២៣ ខែឧសភា បានបញ្ចាក់សេចក្តីរាយការណ៍មកថា កិច្ចសន្យាផ្សាយពាណិជ្ជកម្មរបស់តារាសម្ដែង Han So Hee មួយទៀតត្រូវបានបញ្ចប់ភ្លាមៗ ពោលគឺជាវេទិការថយន្តប្រើរួច Hey Dealer ដែលនាងធ្លាប់ជាតារាបង្ហាញម៉ូដ ប៉ុន្តែជាជ្រើសរើស Suzy និង Lee Jung Eun ជាម៉ូដែលថ្មីជំនួសវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះផងដែរ របាយការណ៍ក៏បានបញ្ជាក់ដែរថា Suzy និង Lee Jung Eun បានបញ្ចប់ការថតផ្សាយពាណិជ្ជកម្មរួចហើយ។ ស្របពេលដែល Han So Hee បានធ្វើសកម្មភាពជាគំរូផ្សាយពាណិជ្ជកម្មសម្រាប់ Hey Dealer តាំងពីឆ្នាំមុន។ នៅក្នុងខែមីនា ការផ្សាយពាណិជ្ជកម្មបែប vlog ដែលមាននាងត្រូវបានចេញផ្សាយ និងទទួលបានការពិនិត្យវិជ្ជមាន។

ទោះជាយ៉ាងណាក៏ដោយ នៅក្នុងខែដដែល Han So Hee បានទទួលស្គាល់ជាសាធារណៈនូវទំនាក់ទំនងរបស់នាងជាមួយតារាសម្ដែង Ryu Jun Yeol និងមានការឈ្លោះប្រកែកគ្នាជាសាធារណៈជាមួយតារាចម្រៀង និងតារាសម្ដែង Hyeri ហេតុផលទាំងនេះបានធ្វើឲ្យអសកម្មនៃមុខងារបញ្ចេញមតិលើការផ្សាយពាណិជ្ជកម្មរបស់ Hey Dealer ជាបន្តបន្ទាប់។

ទន្ទឹនោះទៀតសោត បន្ទាប់ពីរឿងនេះ តារាសម្ដែងក្រមិចក្រមើមរូបនេះ ទទួលបានរូបភាពអវិជ្ជមានតាមរយៈទំនាក់ទំនង និងការបែកបាក់របស់នាង ដែលបណ្តាលឲ្យបរាជ័យក្នុងការបន្តកិច្ចសន្យាជាមួយក្រុមហ៊ុនជាច្រើនដែលនាងកំពុងធ្វើជាគំរូក្នុងនោះរួមមាន Chum-Churum និង NH Nonghyup Bank នាពេលកន្លងមក។

នៅទីបំផុត Hey Dealer បានសម្រេចចិត្តជំនួស Han So Hee ជាមួយនឹងតារាល្បីៗផ្សេងទៀតធ្វើជាគំរូរបស់ពួកគេ។ ជាមួយគ្នានេះដែរ នៅថ្ងៃទី ១៩ ខែឧសភា នាងបានចូលរួមក្នុងមហោស្រពភាពយន្តអន្តរជាតិទីក្រុង Cannes លើកទី ៧៧ នៅប្រទេសបារាំងក្នុងនាមជាទូតសុឆន្ទៈឲ្យប្រេន Boucheron ដោយបង្ហាញពីសម្រស់ដ៏គួរឲ្យភ្ញាក់ផ្អើលរបស់នាងទៅកាន់ទស្សនិកជន បន្ទាប់ពីមានរឿងអាស្រូវស្នេហាត្រីកោណកាលពីប៉ុន្មានខែមុន៕